Mekteptiń 6-7 synyp oqýshylary «Imandylyq júrekke uıalasa», «Ata-anań seniń baılyǵyń», «Qaıyrymdylyq asyl qasıet», «Imandylyq jarasady ul-qyzǵa», «Adamgershilik tárbıesi basty maqsat» t.b taqyryptarda synyp jetekshilerimen birigip, ónegeli tárbıe saǵattaryn ótkizdi. Baýyrmaldylyqqa baýlıtyn bastama qaıyrymdylyq jármeńkesimen jalǵasty. Ony ózin-ózi basqarý uıymynyń jetekshisi Jaqsylyq Saparǵalı sátimen uıymdastyra bildi. Mektep ujymy munymen toqtamaı, muǵalimder men oqýshylar qarttar úıine baryp, qazyna keýde jandardyń jaǵdaıyn bilip qaıtty. Qarttar úıine qyryq oqýshy, jeti muǵalim bardy. Oqýshylardyń ózin-ózi basqarý uıymy aqpan aıynda týǵan qarııalarǵa syılyqtar berip, konsert uıymdastyrdy. Naýqastanǵan, júre almaıtyn qarııalardyń bólmelerine baryp, kóńilin kóterip quttyqtady.
«Sharapatty shara barysynda shákirtter úlkenderdi syılaý, qurmetteý kerek ekenin, olarǵa qyzmet etý kerektigin túsindi. Qazaqta «Anańdy Mekkege úsh ret arqalap aparsań da, paryzyń ótelmeıdi» degen maqal bar emes pe. Uqqanǵa bul maqaldyń mazmuny tereń. Qarttar búldirshinderge aq batasyn berip, rızashylyqtaryn bildirdi. Jaqsy kóńil kúımen shyǵaryp saldy», deıdi mektep dırektory Kúnimhan Smaǵulqyzy.
Nurdáýlet Nurseıitov
