2017 jylǵy 17 aqpan №76 Astana, Úkimet Úıi
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister engizilsin:
1) «Turǵyn úı kómegin kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 30 jeltoqsandaǵy №2314 qaýlysynda (Qazaqstan Respýblıkasynyń PÚAJ-y, 2010 j. № 5, 60-qujat):
kórsetilgen qaýlymen bekitilgen Turǵyn úı kómegin kórsetý erejesinde:
4-tarmaqta:
1) tarmaqsha mynadaı redaksııada jazylsyn:
«1) ótinish berýshiniń jeke basyn kýálandyratyn qujat (kórsetiletin qyzmetti alýshynyń jeke basyn sáıkestendirý úshin usynylady);»;
3) tarmaqsha mynadaı redaksııada jazylsyn:
«3) mekenjaı anyqtamasy ne ótinish berýshiniń turǵylyqty turatyn jeri boıynsha tirkelgenin rastaıtyn aýyl ákimderiniń anyqtamasy;»;
9) tarmaqsha alyp tastalsyn;
2) «Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 26 maýsymdaǵy №856 qaýlysynda (Qazaqstan Respýblıkasynyń PÚAJ-y, 2012 j. №59, 815-qujat):
kórsetilgen qaýlymen bekitilgen Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalarynda:
8-tarmaq mynadaı redaksııada jazylsyn:
«8. Azamattardy esepke qoıý úshin mynadaı qujattar usynylýy qajet (aqparattyq júıelerden alýǵa bolatyn qujattardy azamattardan talap etýge jol berilmeıdi):
1) osy Qaǵıdalarǵa 1-qosymshaǵa sáıkes nysan boıynsha ótinish berýshide jáne únemi onymen birge turatyn otbasy múshelerinde osy eldi mekende turaqty paıdalanýda kommýnaldyq turǵyn úı qorynan berilgen turǵyn úıdiń bar nemese joq ekenin jergilikti atqarýshy organnyń tekserýine kelisimi kórsetilgen kommýnaldyq turǵyn úı qorynan beriletin turǵyn úıge muqtaj azamattardy esepke qoıý týraly ótinish;
2) ótinish berýshiniń jeke basyn kýálandyratyn qujat (ótinish berýshiniń jeke basyn sáıkestendirý úshin usynylady) jáne ótinish berýshimen únemi birge turatyn otbasy músheleriniń (bolǵan jaǵdaıda) jeke basyn kýálandyratyn qujattardyń kóshirmeleri;
3) azamattyq hal aktilerin (týý, qaıtys bolý, neke qııý (erli-zaıypty bolý), nekeni (erli-zaıyptylyqty) buzý, bala asyrap alý, áke (ana) bolýdy anyqtaý, atyn, ákesiniń atyn jáne tegin ózgertý) memlekettik tirkeý týraly kýálikterdiń kóshirmeleri.
О́tinish berýshiniń otbasy músheleri dep basqa adamdar tanylǵan jaǵdaılarda, sońǵylary olardy ótinish berýshiniń otbasy músheleri dep taný týraly sot sheshiminiń kóshirmesin usynady;
4) ótinish berýshide jáne onymen únemi birge turatyn otbasy múshelerinde jyljymaıtyn múliktiń bolmaýy (bolýy) týraly aýmaqtyq ádilet organynyń anyqtamalary.
О́tinish berýshide jáne/nemese onyń ótinishke engizilgen otbasy múshelerinde jeke menshik quqyǵynda turǵyn úıdegi úlesi bolǵan kezde quqyq belgileýshi qujattardyń kóshirmeleri usynylady;
5) mekenjaı anyqtamasy ne ótinish berýshiniń turǵylyqty turatyn jeri boıynsha tirkelgenin rastaıtyn aýyl ákimderiniń anyqtamasy;
6) halyqtyń áleýmettik jaǵynan álsiz toptaryna jatatyn azamattar qosymsha ótinish berýshiniń (otbasynyń) halyqtyń áleýmettik jaǵynan álsiz toptaryna jatatynyn rastaıtyn qujatty, sondaı-aq otbasynyń árbir múshesine (múgedek balalary bar nemese olardy tárbıeleıtin otbasylardy qospaǵanda) sońǵy on eki aı ishindegi tabysy týraly málimetterdi usynady;
7) memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler, arnaýly memlekettik organdardyń qyzmetkerleri jáne memlekettik saılanbaly qyzmet atqaratyn adamdar jumys ornynan (qyzmetten) anyqtamany qosymsha usynady. Ǵaryshkerlikke kandıdattar, ǵaryshkerler Qazaqstan Respýblıkasynyń Úkimeti beretin mártebesin rastaıtyn qujatty usynady;
8) jalǵyz turǵyn úıi avarııalyq jaǵdaıda dep tanylǵan azamattar jergilikti atqarýshy organnyń tıisti anyqtamasyn usynady;
9) otbasy turatyn turǵyn úı belgilengen sanıtarııalyq-epıdemıologııalyq talaptarǵa saı kelmegen jaǵdaıda, ótinish berýshi sanıtarııalyq-epıdemıologııalyq qyzmet uıymy júrgizgen sanıtarııalyq-epıdemıologııalyq saraptamanyń nátıjeleri boıynsha halyqtyń sanıtarııalyq-epıdemıologııalyq salamattylyǵy salasyndaǵy ýákiletti organnyń aýmaqtyq bólimshesi bergen sanıtarııalyq-epıdemıologııalyq qorytyndynyń túpnusqasyn qosymsha usynady;
10) otbasy turatyn turǵyn úı belgilengen tehnıkalyq talaptarǵa saı kelmegen jaǵdaıda, ótinish berýshi sáýlet, qala qurylysy jáne qurylys qyzmeti salasyndaǵy attestattalǵan sarapshynyń tehnıkalyq qorytyndysynyń (turǵyn úıdi tehnıkalyq zerttep-tekserý nátıjeleri boıynsha) túpnusqasyn qosymsha usynady;
11) japsarlas, oqshaýlanbaǵan turǵyn úı-jaılarda eki jáne odan kóp otbasy turyp jatqan jaǵdaıda, ótinish berýshi ózi turatyn turǵyn úı-jaıdyń tehnıkalyq pasporty men quqyq belgileıtin qujatynyń kóshirmelerin qosymsha usynady;
12) otbasy quramynda keıbir sozylmaly aýrýlardyń aýyr túrlerimen aýyratyn naýqastar bar, bir úı-jaıda (páterde) olarmen birge turý múmkin bolmaǵan jaǵdaıda ótinish berýshi tıisti aýrý túrin rastaıtyn qujatty qosymsha usynady.
Jumys orny boıynsha esepke qoıý úshin memlekettik kásiporynnyń ne memlekettik mekemeniń turǵyn úı qorynan beriletin turǵyn úıge muqtaj azamattar osy Qaǵıdalarǵa 2-qosymshaga sáıkes nysan boıynsha ótinishti, sondaı-aq osy tarmaqtyń 2), 3), 4) jáne 5) tarmaqshalarynda kórsetilgen qujattardy jáne ótinish berýshide jáne únemi onymen birge turatyn otbasy múshelerinde osy eldi mekende turaqty paıdalanýda kommýnaldyq turǵyn úı qorynan berilgen turǵyn úıdiń bar nemese joq ekeni týraly jergilikti atqarýshy organnyń anyqtamasyn usynady.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
