Atalmysh týrnırde Qazaqstan, Grekııa, Polsha, Reseı, Belarýs, Ýkraına, Ázerbaıjan jáne Qyrǵyzstan elderiniń segizburyshta suryptalǵan jekpe-jek sheberleri óner kórsetpek. Týrnırdi «Habar» (Qazaqstan), «BOKS tv» (Reseı) telearnalary tikeleı taratatyn bolady.
«Alash aıbary» Halyqaralyq týrnıri 1 sáýirde segizburyshta «naǵyz maıdandy» kórýge shaqyrady. Qazaqstandyq jeńilmegen jartylaı aýyr salmaq ıesi (93kg) Asyljan Baqytjanuly (3-0) reseılik Alekseı Kıserǵa qarsy turady. Taǵy bir jeńimpaz otandasymyz (93 kg) Evgenıı Egemberdıev (7-0) Reseı azamaty Oleg Grenchýkpen aıqasady. Jekpe jektiń ákkisi Erjan Estanovtyń qarsylasy Belarýstiń judyryqty jigiti Sergeı Sınkeevıch. Qazaqtyń qaısar ulany (57 kg) Shyńǵys Qaıranov pen ýkraınalyq Alekseı Naýmovpen kúsh synasady. Shynaıy tóbelestiń biri GRAND PRIX KAZAKHSTAN jobasynyń fınalynda, «Alash Pride FC» tujyrymynyń chempıondyq belbeýin sarapqa salatyn Ilıar Ashanov pen Jasulan Qaraqulov arasynda ótpekshi. Segizburyshtaǵy «shoýǵa» shyn qushtarlar úshin basty jekpe jekter Erlan Tileýimbetov (70 kg) – Iаkýb (Polsha), (66 kg) Igor Jırkov- Ratmır Teývajýkov (Reseı) arasynda ótedi dep kútilýde.
«Alash aıbary» týrnırine qatysýshylardyń tizimi:
70 kg - Erlan Tileýimbetov – Luciano Palhano (Brazılııa);
93kg - Evgenıı Egemberdıev - Oleg Grenchýk (Reseı);
93 kg - Asyljan Baqytjanuly - Alekseı Kıser (Reseı);
70 kg - Súleımen Isaev - Klaýdıo Vekanı (Grekııa);
66 kg - Igor Jırkov - Ratmır Teývajýkov (Reseı);
57 kg - Asý Almabaev - Mehman (Ázerbaıjan);
57 kg - Shyńǵys Qaıranov - Alekseı Naýmov (Ýkraına);
57 kg - Baqtııar Nesipbek - Farıd Babazade (Ázerbaıjan);
61 kg - Ilııar Ashanov – Jasulan Qaraqulov – fınal;
73 kg - Jandos Isabekov – Bıreý Bıreý (Qyrǵyzstan);
68 kg - Murat Baqtorazov - Qanat Qulamaǵambetov
Aınash Esalı,
«Egemen Qazaqstan»
