Eljan Birtanov óz sózinde: «Qaraǵandy oblysynda zamanaýı nysandardyń bar ekendigi qýantady. Resmı derekterge súıensek, oblystaǵy memleket tarapynan kórsetiletin tegin medısınalyq qyzmet kóleminiń 24 paıyzyn jekemenshik mekemeler atqaryp otyr. Bul – tıimdi bıznes modeldiń jáne tıimdi basqarýdyń kórsetkishi. Iаǵnı, básekelestik bar jerde sapaly medısınalyq qyzmet kórsetý de bolady. Bolashaqta medısınalyq saqtandyrýmen qatar, turǵyndar sapaly medısınalyq kómek alatyn bolady. Ústimizdegi jyldan bastap Elbasynyń tapsyrmasy boıynsha jekemenshik mekemelerge tegin medısınalyq qyzmetti berýge teńdeı jaǵdaı jasalady. Qaraǵandyda jekemenshik klınıkalar sany kóbeıýde, bul qýantarlyq jaǵdaı, – dedi.
Halyq kezdesýden uqqandaı, elimizde mindetti medısınalyq saqtandyrý júıesi engiziledi. Bul oraıda, besinshi sáýirden bastap, jergilikti emhanalarda tirkeý kampanııalary bastaldy. Kez kelgen azamat tegin medısınalyq kómek alý úshin ózi tańdaǵan emhanasyna kelip tirkelip, óziniń mindetti saqtandyrý júıesindegi mártebesin bile alady. Ol úshin arnaıy maman ınternet arqyly qarap, emdelýshiniń qaı sanatqa jatatyny týraly aqparat beredi.
Barlyǵy úsh sanat qarastyrylǵan. Birinshi – jumysshylar. Jumysshylar úshin bıyl 1 shildeden bastap jumys berýshi saqtandyrý qoryna jarna tóleı bastaıdy. Ekinshi – memleket tarapynan saqtandyrylatyn adamdar. Olar − zeınetkerler, múmkindigi shekteýli azamatar jáne jumyssyzdar. Aqparat memlekettik aqparat júıesinen alynatyny sebepti – barlyǵy tegis tekseriledi. Úshinshi sanat – óz-ózderin jumyspen qamtamasyz etetin azamattar, ıaǵnı jeke kásipkerler. Al kásibi tirkelmegen nemese eń tómengi aılyqtan bes paıyz aýdarýshylar, ıaǵnı, aı saıyn 1 200 teńgeni 1 shildeden bastap tóleýdi bastaýlaryna bolady.
Sondaı-aq, oblystyq medısına qaýymdastyǵymen kezdesý barysynda Eljan Birtanov Memleket basshysynyń Joldaýynda aıtylǵandaı, elimizde densaýlyq saqtaý salasynda sandyq tehnologııalyq jańartýdy jedeldetý qajettiligin atap ótti.
Qoryta aıtqanda, mınıstr saparyndaǵy basty maqsat – Elbasynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyn túsindirý aıasynda oblystaǵy medısınalyq nysandar jumysymen tanysý jáne turǵyndarǵa saqtandyrý arqyly em alý, óz qarajatyńa em alýǵa qaraǵanda áldeqaıda arzan jáne qolaıly emdeý múmkindigi bar jańa júıeniń mán-jaıy boldy.
Mıras ASAN,
«Egemen Qazaqstan»
Qaraǵandy oblysy
