Tasqyn aımaǵyna kelgen oblys ákiminiń orynbasary Andreı Lıapýnov óńir basshysy Erlan Qoshanovqa jaǵdaı kúrdeli ekenin jetkizdi.
«Buǵan kúnniń kúrt jylynýy sebep bolýda. Sýdyń tolassyz aǵyny saqtalýda. Negizgi ózender - Nura men Sherýbaı-Nura. Sý tasqynynyń eń qaýipti kezi búgin men erteń. Sosyn eki kúnde ózenniń joǵarǵy jaǵynda sý deńgeıi tómendeıdi dep kútilýde. Kelesi aptada kóshirilgen adamdar óz úılerine qaıtady dep oılaımyn», - dedi Andreı Lıapýnov.
Oblys ákimi Erlan Qoshanov sý basýy múmkin neǵurlym qaýipti oryndarǵa baryp, Samarqand sý qoımasyn tekserdi, sý basýy múmkin Qaraǵandy-Pavlodar tas jolyna bardy. Sý ótkizý qurylǵylarynyń jaǵdaıyn baqylady. Barlyq jyljymaly komandalyq shtabtaǵy jedel qyzmetti Mustafın kentine jınap, ákim qoımadan sý aǵyzýdy táýlik boıy retteýdi tapsyrdy.
«Teris saldarǵa alyp kelmes úshin sharalar qabyldaý qajet. Barlyq evakýasııalanǵan adamdarǵa jaıly jaǵdaı jasaýdy tapsyramyn», - dedi ákim.
Jedel qyzmet uıymdasyp jumys atqarýda. Olarǵa IIM Ulttyq Gvardııa sarbazdary qosyldy.
