Oı salady, batyldyqqa serpin beredi

Elbasymyz Nur­sul­tan Nazarbaevtyń keshegi kúni jarııalaǵan «Bolashaqqa baǵ­dar: rýhanı jańǵyrý» atty baǵ­darlamalyq maqalasynda bel­gi­lep bergen el damýynyń úshinshi jańǵyrý kezeńindegi saıası-ekono­mıkalyq kemeldenýlerdi rýhanı nárlendirý, izgi rýhanııatqa baǵ­darlaý arqyly qazaqstandyq ja­ńa órleýdi tolyqqandy etýdiń so­ny úlgisin jasap otyr dep bilemin. Uly oıshyl babamyz ál-Farabıdiń tálimsiz órkenıettiń adamzat úshin qaýiptiligin eskert­kenindeı, Nursultan Ábishulynyń bul maqalasy osy turǵydan adam­­zat qoǵamynyń damýyndaǵy bú­kil­álemdik aqyl-oıdyń jańa be­le­si der edim.

О́zim mekteptegi ustazdyq álem ókili bolǵandyqtan, onyń orta bilim berý salasy úshin máninen oı qozǵasam deımin. Aldymen «Bolashaqqa baǵdar: rýhanı jańǵyrý» maqalasynyń búkil bolmys-ıdeıalaryn mekteptiń 1-12 synyptarynyń bilim standarttaryna, oqý baǵdarlamalaryna, oqýlyqtaryna, sandyq oqý qural­daryna tutasynan negiz etip endirýdi usynar edim. Men óz tájirıbemde kózim jetkenindeı, belgili bir baǵdarsyz, ıaǵnı ıdeologııasyz oqý-tárbıe isi eshýa­qyt­ta da alǵa bas­paıdy. Elbasynyń «Rý­ha­nı jańǵyrý» ıdeıa­­lary budan bu­ryn ja­rııalanǵan Táýel­siz­dik tolǵaýy, Máń­gilik El sııaqty órkendi bas­ta­malardyń zańdy jalǵasy ári konseptýaldyq jıyny retinde mektep ıdeologııasy bolatynyna senimdimin. Memleket bas­shysynyń: «Maqsatqa jetý úshin bizdiń sanamyz isimizden ozyp júrýi, ıaǵnı odan buryn jańǵyryp otyrýy tıis», degenindeı, búgingi jasampaz bolmysymyzdan ozyq, ony alǵa bastaıtyn ıdeıalardy kórip, rızashylyq bildirgim keledi.

«Básekelik qabilet – ...mate­rıaldyq ónim ǵana emes, sonymen birge, bilim, qyzmet, zııatkerlik ónim... Mysaly, kompıýterlik saýattylyq, shet tilderin bilý, mádenı ashyqtyq sııaqty faktorlar árkimniń alǵa basýyna sózsiz alǵysharttardyń sanatynda. Sol sebepti «Sıfrly Qazaqstan», «Úsh tildi bilim berý», «Mádenı jáne konfessııaaralyq kelisim» sııaqty baǵdarlamalar – ultymyzdyń, ıaǵnı barsha qazaqstandyq­tardyń HHI ǵasyr  talap­tarynyń qamy» deı otyryp, Nursultan Ábishuly bizdiń bilim berýdegi bú­gingi úderisimizdiń damý jalǵasy ári baǵdary retindegi maqalada «Bilimniń saltanat qurýy» dep bólektep arnaıy aıdarlap oryn be­rilgeni, ony «bilimdi bárinen bıik qoıatyn ult qana tabysqa jetedi», dep tujyrymdaýy biz­derge, muǵalimderge, jańa qýatty serpin beredi.

Maqalanyń II taraýyndaǵy «Taıaý jyldardaǵy mindetter» taqyrybynda kór­setilgen naq­ty jobalardy jú­zege asyrý mindetteriniń aıasynda usynylǵan «Týǵan jer» baǵdarlamasynyń «Týǵan jerge týyńdy tik» dep qazaq beker aı­tpaǵan degen tamasha maqalmen bas­talǵan usy­nystardyń ár­bir sóılemin oqyǵan saıyn ja­nyń raqattanyp, qýanyshqa bó­le­nesiń.

Osy «Týǵan jer» baǵdar­la­ma­sy aıasynda, aýyldarǵa, bilim be­rý mekemelerine, túrli mádenı jań­ǵyrýlarǵa azamattyq bas­ta­mashyldyq retinde jekelegen azamattardy qoldaý, qamqorlyq, demeýshilik kórsetý úrdisine már­tebe berý – azamattarymyzǵa oı salyp, batyldyqqa serpin beredi dep bilemin.

Sondaı-aq, tarıhı tulǵa­lar­dyń galereıasyn búgingi jasam­paz­dyq damýymyzdyń kósh basynda kórinip júrgen, el esinde saqtalatyn eren perzentterin, osy jelide týǵan aımaq tarıhy men geografııasyn júıeli oqý quraldary arqyly jas urpaqqa usyný múmkindigi qaralatyny qýantty.

Halqymyzda «Úsh kúndigin oı­lamaǵan qyzdan, úsh jyldyǵyn oılamaǵan uldan» keleshegine jaýapkershilikpen qaraıtyn azamat shyqpaıtyny týraly mándi de ádil úkim bar. «Qyzym úshin qyzartpa, ulym úshin uıaltpa, Alla» deıtin de tilek ul­tymyz­dyń keleshek sanasy ejelden qa­lyptasqan úrdis ekenin aıǵaq­taıdy. Osynaý ulttyq sana ult k­odyna negizdelgen «Rýhanı jań­ǵy­rý» baǵdarlamasynda jal­ǵasyn taýyp otyr.

Maqalada kórsetilgendeı: «...jas urpaq jańǵyrý jónindegi osynaý usynystardyń mańyzyn tereń túsinedi dep senemin» degen Elbasynyń senimin aqtaý mektep ustazdary qaýymynyń Otan, El, jas urpaq aldyndaǵy abyroıly, patrıottyq mindeti dep esepteımin.

Aıagúl  MIRAZOVA,

Qazaqstannyń Eńbek Eri

ALMATY