M.H.Dýlatı atyndaǵy Taraz Memlekettik ýnıverstıetinde Memleket basshysy Nursultan Nazarbaevtyń baǵdarlamalyq maqalasyn talqylaýǵa arnalǵan «Rýhanı jańǵyrý – memlekettiń tiregi, halyqtyń jigeri» atty oblystyq forým ótti. Forýmǵa oblys ákimi Kárim Kókirekbaev qatysyp, baıandama jasady.
– Elimiz Táýelsizdik alǵan jyldardyń alǵashqy sátterinen bastap Elbasy sanaly qoǵam ornatýdy, onyń basty qaǵıdattaryna ulttyq qundylyqtarymyz negiz bolatynyn sharshamaı, talmaı úzdiksiz aıtyp keledi.
Rýhanı órleý bizdiń qoǵamǵa asa qajet jáne bizdiń damýymyzdyń eń basty tuǵyrlarynyń biri. О́ıtkeni, barlyq dúnıe sana-sezimnen bastaý alady. Bul – mazmuny tereń tarıhı maqala. Ult rýhanııatyn órkenıet bıi-
gine shyǵaratyn úlken baǵdarlamalyq qujat, – dedi oblys basshysy. Sondaı-aq, Kárim Kókirekbaev «Mádenı mura», «Halyq – tarıh tolqynynda» baǵdarlamalarynyń óńir úshin de órkendi isterge bastamashy bolǵanyn aıta kelip, Elbasy maqalasynda aıtylǵan aǵylshyn tilin úırenýdiń mańyzdylyǵy, latyn álipbıine kóshý qajettigi tóńireginde de óz oıyn ortaǵa saldy.
Forým barysynda sóz alǵan M.H.Dýlatı atyndaǵy Taraz Memlekettik ýnıversıtetiniń rektory Mahmetǵalı Sarybekov rýhanı jańǵyrýdyń ǵylymı negizderine toqtaldy. Sondaı-aq, bilimniń saltanat qurýy jóninde de pikir bildirdi.
Elbasy óziniń baǵdarlamalyq maqalasynda HHI ǵasyrdaǵy ulttyq sana týraly keńinen sóz etkeni belgili. Taraz Memlekettik pedagogıkalyq ınstıtýtynyń rektory Darııa Qojamjarova ótken ǵasyrdaǵy qazaq halqynyń taǵdyryna baılanysty jaılardy baıandaı kele, HHI ǵasyrdaǵy ulttyq jáne tarıhı sana tóńireginde qalyptasqan oıymen bólisti. Al jazýshy-dramatýrg Elen Álimjan, Qazaqstannyń halyq ártisi Máken Rahymjanova elimizdiń mádenı-rýhanı damýy tóńireginde áńgimeledi.
Elbasy aǵylshyn tilin úırenýdiń mańyzdylyǵyn árdaıym aıtyp keledi. Sondyqtan da, jastardyń til úırenýde tabandy bolýy jarqyn bolashaqtyń kepili bola alady. Bul turǵyda Áýlıeata óńirinde til biletin, básekege qabiletti jastar barshylyq. Sonyń aıǵaǵyndaı, M.H.Dýlatı atyndaǵy Taraz Memlekettik ýnı-versıtetiniń stýdenti Saǵı Altynkop Elbasy maqalasyna baılanysty óz oıyn qazaq, orys jáne aǵylshyn tilderinde jetkizdi.
Hamıt ESAMAN,
«Egemen Qazaqstan»
Jambyl oblysy
