Rýhanı qundylyqtar nasıhattaldy

Qazaqstannyń ár aımaǵynan jınalǵan 800-ge jýyq muǵalimge bilimin jetildirip, biliktiligin arttyrýǵa múmkindik bergen bul joba «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵy men qala ákimdiginiń uıymdastyrýymen iske asyp otyr. Úsh kúnge sozylǵan semınar «Bóbektiń» 20 jyldyq mereıtoıy aıasynda atqarylatyn sharalardyń biri ekenin aıta ketken jón.   

Rýhanı-adamgershilik bilim berý ıdeıasyn taratý men peda­gog­tardyń kásibı-tulǵalyq damýyna kómek kórsetýdi maqsat etken úsh kúndik semınar «Tárbıesiz be­ril­gen bilim – adamzattyń qas jaýy» degen ál-Farabıdiń só­zin eske túsiredi. Úsh kún boıy jal­py­­adamzattyq qundylyqtarǵa ne­gizdelgen bilim berý mektebiniń ne­gizin qalaýshy, taılandtyq pe­dagog ǵalym, doktor Art Ong Djýmsaı dáris oqydy. Ǵa­lymnyń kópshilik nazaryna usynǵan jalpyadamzattyq qun­dylyqtardy birtutas bilim be­rý úderisine ıntegrasııalaý tá­jirıbesi búgingi tańda álem boı­ynsha qyzyǵýshylyq týdyryp otyr. Kórshiles elderdiń ǵa­lym­dary men pedagogtary «О́zin-ózi taný» páni boıynsha oqý-ádis­te­me­lik keshendi ázirleýshiler «О́r­leý» BAUO AQ-nyń rýhanı-adam­gershilik bilim berý boıyn­sha trenerleri, «Bóbek» orta­ly­ǵynyń biliktilikti arttyrý ký­r­s­tarynyń tyńdaýshylary Qazaq­stannyń túrli óńirlerindegi mek­tepke deıingi mekemelerdiń, mek­tepterdiń, kolledjder men jo­ǵary oqý oryndarynyń mu­ǵa­limderi men basshyla­ry, «Bó­bek» ortalyǵynyń qyz­met­ker­l­e­ri atalǵan másele boıynsha dá­ris tyńdap, bilimin arttyrýǵa múm­kindik aldy.

Qala ákiminiń orynbasa­ry Arman Qyryqbaev Sara Na­­zar­­­baeva­nyń otandyq bi­lim be­rý júı­esine «О́zin-ózi ta­ný» baǵ­dar­lamasyn engizý boı­ynsha qos­qan zor úlesin atap ótti. So­ny­men qatar, qolǵa túse ber­meı­tin doktor Djýmsaıdiń sheber­ha­nasymen tanysý múm­kin­digi eki­niń birine buıyra ber­meıtini de aıtyldy.

Sharaǵa jetkinshekter men jas­óspirimderge arnalǵan kóp­tegen bilimdik jáne shyǵar­ma­shy­lyq jobalardy iske asyryp otyr­ǵan «Jandaný álemi» qo­ry­­nyń negizin qalaýshy Álııa Nazar­­baeva, atqarýshy dırektory Qaı­rat Isahanov bastaǵan qur­me­tti qonaqtarmen qatar, Reseı, Ázer­baı­jan jáne Qyrǵyzstan elde­ri­niń ókilderi de qatysty.

Semınardyń ashylýy men j­a­by­lý saltanatynda «О́zin ózi taný» gım­nazııasynyń oqýshylary men kolledj stýdentteri, «bóbektik» búl­dirshinder usynǵan konserttik baǵ­darlama da beıbitshilik pen adam­ǵa degen mahabbat arqyly adam­dardyń birigýi ıdeıasyna qu­rylǵan.

Almas NÚSIP,

«Egemen Qazaqstan»