Qaraǵandy oblysy aýmaǵyndaǵy «Aqshataý-Aǵadyr» avtojolynyń 90-195 shaqyrymy (166 shaqyrym +750 m. joldy sý shaıdy) aralyǵyndaǵy qozǵalys shekteldi. Aınalma jol - «Qaraǵandy-Aqsý-Aıýly-Aqadyr» arqyly ótedi. «Qaraǵandy-Aıagóz-Buǵaz» avtojolynyń 17-217 shaqyrymyndaǵy (43,141, 169, 174, 178 shaqyrymdy sý shaıdy) Qaraǵandydan Qarqaralyǵa deıin jol jabyq tur.
Sonymen qatar «Bastaý-Aqtaý-Temirtaý» jolynyń 1-12 shaqyrymyndaǵy Bastaýdan Aqtaý kentine deıingi ýchaskede kólikterdiń jolǵa shyǵýyna tyıym salyndy.
Al Shyǵys Qazaqstan oblysynda «Semeı-Qaınar» jolynyń 8-166 shaqyrymynda (27 shaqyrymdy sý shaıǵan) qozǵalys shekteldi. Aınalma jol - «Semeı-Qaraýyl» arqyly ótedi.
OQO-da sý tasqynyna baılanysty «Samara-Shymkent» avtojolynyń 2217-2235 shaqyrymy aralyǵynda (2229 shaqyrym kópir) kóliktiń barlyq túrine qozǵalys shekteldi. Arys ózeni arqyly ótetin jaǵalaý men kópir tirekterin sý shaıyp ketti. Aınalma jol - Temirlan aýyly arqyly ótedi.
Budan bólek, búgin keshqurym Aqmola oblysy aýmaǵyndaǵy «Kókshetaý-Atbasar» avtojolynyń 48-184 shaqyrymyndaǵy Zerendi men Atbasarǵa deıingi jol jabyldy. Osy rette joldyń 78, 111, 118 shaqyrymdaryn sý shaıǵan.
Soltústik Qazaqstan oblysy aýmaǵynan ótetin «Ekaterınbýrg-Almaty» jolynyń 729-768 shaqyrymyndaǵy Qostanaı oblysy men Toqsan bı aýyly aralyǵynda kólik qozǵalysy shekteldi. Munymen qosa osy joldyń boıyndaǵy Toqsan bıden bastap Aqmola oblysy shekarasyna deıingi aralyq jabyldy. «Jezqazǵan-Petropavl» avtojolynyń 671-700 shaqyrymy arylyǵyndaǵy Toqsan bı aýylynan bastap Novoıshım aýylyna deıin kólikterdiń jolǵa shyǵýyna tyıym salyndy. Qostanaı oblysy aýmaǵynda qazirgi ýaqytta «Ekaterınbor-Almaty» jolynyń 686-729 shaqyrymyndaǵy Sarykólden bastap SQO shekarasyna deıin jol jabyq tur. Sonymen qatar «Qostanaı-Áýlıekól-Surǵan» jolynyń 170-216 shaqyrymynda kólik qozǵalysyna shekteý engizildi. Qazavtojolda atap ótkendeı, sý basýy múmkin ýchaskelerde nyǵaıtý, bekitý jumystary júrip jatyr, aldyn alý belgileri qoıylyp, táýlik boıy kezekshilik uıymdastyryldy.
