Aıtýly Pasha merekesimen shyn júrekten quttyqtaımyn!
Bul – barlyq qurlyqtardy meken etken kóptegen adamdardyń ómirindegi erekshe máni bar meıram. Bıyl pravoslavtar men katolıkterdiń ony bir mezette atap ótýi meıramnyń máni men mańyzyn arttyra túsýde.
Bizdiń elimizde barlyq adamdar Pashany, sondaı-aq basqa da mańyzdy dinı merekelerdi jyly sezimmen qabyldaıdy. Bul biregeı dástúr bizdiń qoǵamymyzdyń tatýlyq, dostyq jáne kelisim qundylyqtarymen bekitilgen birligin aıshyqtaı túsedi.
Búgingi tańda barlyq konfessııalardyń bir-birin syılaýǵa jáne ashyq pikirlesýge negizdelgen jemisti yntymaqtastyǵy – Qazaqstannyń erekshe maqtanyshy.
Ejelgi Pasha meıramy – jańǵyrýdyń, izgi úmit pen jaǵymdy ister jasaýǵa talpynystyń nyshany. Osynyń barlyǵy júıeli túrde túbegeıli ózgeristerdi júzege asyryp jatqan elimizdiń qazirgi damý kezeńimen úndesip jatyr.
Jarqyn merekede barlyq qazaqstandyqtarǵa densaýlyq, otbasylaryna amandyq, barlyq bastamalaryna tabys tileımin!
