Dəstúr boıynsha reıtıngke Qazaqstan, Qyrǵyzstan, О́zbekstan, Təjikstan, Túrkmenistan jəne Əzirbaıdjannyń úzdik agenttikteri qatysady. Jeńimpazdardy anyqtaý barysynda aımaqtyq agenttikterdiń 2016 jyly halyqaralyq jarnama festıvaldaryndaǵy nətıjeleri eskerilip, jarnama agenttikteri, brendıng jəne dızaın-bıýro, digital men SMM-agenttikteri, sondaı-aq prodakshn-stýdııalary jumystarynyń kreatıvtiligi, sapasy jəne sheberlikteri baǵalandy.
Cheil Kazakhstan halyqaralyq festıvaldarynda usynǵan úzdik jumystary úshin alǵan bedeldi marapattarynyń arqasynda 355 upaı jınady: Epica, White Square, KMFR, Ideıa, Red Jolbors. Bul nətıje cheılikterge óz qarsylastarynan edəýir ilgeri bolýyna septigin tıgizdi. О́tken jyly olar nebəri 7 orynda bolsa, osy jyly birinshi atandy.
Ekinshi oryndy KMFR, AdStars, AdBlackSea, Red Jolborstan alǵan marapattary úshin 98 upaımen qazaqstandyq GForce/Grey jelilik agenttigi ıemdendi.
Úshinshi oryn qyrǵyzstandyq Red Jolbors baıqaýynda jeńisi úshin 68 upaı jınaǵan FCB Almaty agenttigine buıyrdy.
AdAsia məlimeti boıynsha, bul jyly aımaqtan tysqary ótip jatqan halyqaralyq jarnama festıvalinde tek tórt agenttik jeńiske qol jetkizdi – Cheil Kazakhstan, GForce/Grey, Green Penguin Media (barlyǵy qazaqstandyq) jəne USSO design (О́zbekstan). 2015 jyly oryn alǵan agenttikter sany 9 bolatyn. Qalǵan agenttikter reıtıngke Red Jolbors aımaqtyq festıvalinde alǵan jeńisteri arqasynda ilikken bolatyn (Qyrǵyzstan).
Aǵymdaǵy jyldyń ondyǵynda ( TOP-10 ) Qazaqstannyń 7 agenttigi, Qyrǵyzstannyń 4 agenttigi jəne О́zbekstannyń 2 agenttigi oryn tapty. Qyrǵyzdyq agenttikter qazaqstandyqtardy aıaqtan shalmaq bolǵanymen, sońǵylary reıtıngte úshtikter ornyn (TOP-3) eshkimge bosata qoımas.
