Qazaqstan Respýblıkasy Úkimetiniń qaýlysy №317

2011 jylǵy 31 naýryz            №317              Astana, Úkimet Úıi Jolaýshylarǵa azamattyq áýe kemelerinde tasymaldaýǵa tyıym salynǵan qaýipti zattar men buıymdardyń, sondaı-aq esirtkiniń barlyq túrleriniń tizbesin bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 60) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Jolaýshylarǵa azamattyq áýe kemelerinde tasymaldaýǵa tyıym salynǵan qaýipti zattar men buıymdardyń, sondaı-aq esirtkiniń barlyq túrleriniń tizbesi bekitilsin. 2. Qazaqstan Respýblıkasy Kólik jáne kommýnıkasııa mınıstrligi osy qaýlydan týyndaıtyn sharalardy qabyldasyn. 3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri    K.MÁSIMOV. Qazaqstan Respýblıkasy Úkimetiniń 2011 jylǵy 31 naýryzdaǵy №317 qaýlysymen bekitilgen Jolaýshylarǵa azamattyq áýe kemelerinde tasymaldaýǵa tyıym salynǵan qaýipti zattar men buıymdardyń, sondaı-aq esirtkiniń barlyq túrleriniń tizbesi 1. Jolaýshylarǵa azamattyq áýe kemelerinde tasymaldaýǵa tyıym salynǵan qaýipti zattar men buıymdardyń, sondaı-aq esirtkiniń barlyq túrleriniń tizbesi tasymaldaý kezinde adamdar­dyń ómiri men densaýlyǵyna, ushý nemese múlik qaýipsizdigine zııan keltiretin nemese qaýip tóndi­retin qaýipti zattar men buıymdardy, sondaı-aq esirtkiniń barlyq túrlerin azamattyq áýe keme­leriniń bortyna alyp kirýdi boldyrmaý maqsa­tyn­da nusqaýlyq materıal retinde paı­dalanýǵa arnalǵan. 2. Qol júginde jáne bagajda tasymaldaýǵa tyıym salynǵan qaýipti zattar men buıymdar: 1) jarǵysh jáne ózge de ólimge ushyratatyn qurylǵylar, quramynda jarylǵysh zattar men buıymdar, quramynda sondaılary barlar, onyń ishinde: sany men oramasyna qaramastan, dárilerdiń barlyq túrleri; granatalar, mınalar jáne jaraqtardyń bar­lyq túrleri; ańshy kapsıýlderi (pıstondary) jáne tutandyrǵysh kapsıýlder; pırotehnıkalyq kuraldar, onyń ishinde petar­dalardy, bengaldyq ottardy, hlopýshka­lardy jáne oıynshyq tapanshalarǵa arnalǵan pıstondardy, ornatylatyn shashkalardy, tútindi oqtardy (shashkalardy) qosa alǵanda, jaryq bergish raketalardyń kez kelgen túri; dınamıt, tol, ammonal, trotıl jáne ózge de jarylǵysh zattar; kapsıýlder, tutandyrǵyshtar, elektr tutan­dyrǵyshtary, tutandyratyn elektr tutanǵyshtar jáne ot ótkizýshi baýlar; 2) radıoaktıvti zattar; 3) «Esirtki, psıhotroptyq zattar, prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» Qazaqstan Res­pýblı­kasynyń 1998 jylǵy 10 shildedegi Zańyna sáıkes esirtki zattar; 4) qysylǵan jáne suıytylǵan gazdar, onyń ishinde turmysta paıdalanylatyn gazdar, mynalardy: medısınalyq maqsatta paıdalanylatyn, jolaýshynyń densaýlyǵyn qoldaý úshin qajetti kólem shegindegi ottegisi bar aerozoldar jáne ballondar, jasandy qol-aıaqtardy (protezderdi) áreketke keltirýge arnalǵan qos totyqty kómirtegi bar ballondar – dárilik preparat­tardy; ózdiginen úrlenetin qutqarý keýdeshelerine arnalǵan qos totyqty kómirtegi bar ballon­dardy qospaǵanda, aerozoldardyń barlyq túrleri; 5) tez tutanǵysh suıyqtyqtar men zattar, onyń ishinde aseton, benzın, munaı ónimderiniń synamalary, metanol, metıl efıri, tejegish suıyqtyǵy, kúkirtkómirtek, efırler jáne ózge de jeńil tutanatyn suıyqtyqtar, onyń ishinde kólemi boıynsha quramynda 70 %-dan artyq alkogoli (kúshtiligi 140 %) bar alkogoldi ishimdikter; 6) tutanǵysh qatty zattar – olarǵa sý tııý áserinen ózdiginen tutanýy jáne órtenýi múmkin jylý jáne janǵysh gazdar shyǵaratyn zattar: kalıı, natrıı, metall kalsıi jáne olardyń quımasy; aq, sary, qyzyl fosfor, tutanatyn qatty zattar sanatyna jatatyn ózge de zattar; organıkalyq totyq; kolloıdti nıtrosellıýloza; 7) ýly jáne ýlandyrǵysh zattar: kez kelgen ýly, qatty áser etetin jáne ýlandyratyn suıyq nemese qatty kúıdegi zattar, kez kelgen ydysqa oralǵan: brýsın, nıkotın, strıhının, tetragıdrofýrfýrıldi spırt, antıfrız, etılenglıkol, synap, sınıldi qyshqyl­dyń barlyq tuzdary jáne sıandy preparattar, sıklon, sıan quımasy, myshıak angıdrıdi jáne ózge de qatty áser etetin ýly jáne ýlandyratyn zattar; 8) juqpaly nemese bıologııalyq qaýipti materıaldar, olardan turatyn zattar jáne buıymdar; 8) kúıdiretin jáne tottanatyn zattar: organıkalyq emes qyshqyldar, onyń ishinde tuz, kúkirt, azot jáne ózge de qyshqyldar; ftorly-sýtekti (plavıkti) qyshqyl jáne ózge de kúshti qyshqyldar jáne tottanatyn zattar. 3. Qol júginde jáne bagaj bóliginde ta­symal­daýǵa tyıym salynǵan jolaýshylar úshin qoljetimdi qaýipti zattar men buıymdar: 1) atys (qol jaýyngerlik atý, azamattyq jáne qyzmettik) qarýynyń barlyq túrleri, áreketi elektr qýaty, radıoaktıvti sáýlelený jáne bıologııalyq faktorlardy paıdalanýǵa negizdelgen qarýlar; laqtyratyn, elektrlik, mehanı­kalyq qarý, onyń ishinde oıyq uńǵyly, tegis uńǵyly, aralas, uńǵysyz, gazdy oq dárimen atylatyn qarý, pnevmatıkalyq sıgnal berý jáne jattyǵý qarýy, atys qarýynyń bólshekteri (teleskoptyq kózdeý qurylǵylaryn jáne kózde­ýishti qospaǵanda); basqa zattardy ımıtasııalaı­tyn nysany bar qarýlar, sondaı-aq bekitýge arnalǵan ónerkásiptik tapanshalar, sadaqtar, arbaletter, garpýndyq myltyqtar jáne sý astyn­da aýlaýǵa arnalǵan myltyqtar, atys qarýy túrindegi ottyqtar, sıgnal berý raketnı­salary, start berý tapanshalary, ýaqytsha jansyz­dandyrý, esten tandyrý jáne elektrmen soǵý áreketi bar qurylǵylar, kerme aǵashtar, sondaı-aq joǵaryda kórsetilgenderdi ımıtasııalaıtyn barlyq kóshirmeler men buıymdar (onyń ishinde oıynshyq túrindegi); 2) túıregish jáne kesetin qarý, soǵý-bytyratý áreketi bar zattar jáne ushtalǵan buıymdar, sondaı-aq olardy ımıtasııalaıtyn zattar: qylyshtar, úlken pyshaqtar, narkeskender, palashtar, semserler, macheteler, sapylar, naızalar, qanjarlar, kezdikter, stıletter, kastetter, kıstender, ózge de júzdi qarýlar jáne pyshaqtyń kez kelgen túrleri – onyń ishinde tehnıkalyq já­ne sharýashylyq-turmystyq, baltalar, jebe jáne jebe túrindegi zaqymdaıtyn elementter, onyń ishinde laqtyratyn juldyzshalar, temir ilgekter, garpýndar, muz shapqyshtar, ushtalǵan metall ushtary bar súıenetin taıaqshalar, konkıler, pyshaqtar, skalpelder, qaýipti ustara­lar, júziniń uzyndyǵy 3 sm artyq qaıshylar (basy ótpeıtin nemese domalaqtalǵan, júziniń uzyndyǵy 3 sm kem qaıshylar tasymaldaýǵa jiberiledi), shańǵy taıaqtary jáne júrýge/jaıaý týrızmge arnalǵan taıaqtar, ózge de turmystyq jáne óndiristik maqsattaǵy túıregish jáne kesetin nárseler, onyń ishinde kez kelgen materıaldan jasalǵan, áleýetti qarý retinde paıdalanýǵa arnalǵan barynsha berik zattar, sondaı-aq olardy elestetetin kóshirmeler jáne nárseler (onyń ishinde oıynshyq túrindegi). Jolaýshy­larǵa jáne ekıpaj múshelerine shabýyl jasaý úshin paıdalanylýy múmkin zattar, onyń ishinde: túıregish nemese kesetin zat retinde paıdala­nylýy múmkin bárbiler jáne burǵylar, aralar­dyń barlyq túrleri, buraýyshtar, montırovkalar, balǵalar, ataýyzdar, somyn/ıintirek kiltteri, dánekerlegish qurylǵylar sııaqty slesarlyq-tokarlyq jáne jumys quraldary; 3) atys jáne gazdy qarýlarǵa oq-dáriler, onyń ishinde jaýyngerlik oqtar, jaryq dybys­tyq, jaraqattyq áreketi bar, jalǵan, jaraqtal­ǵan ańshy oqtary; 4) ótpeıtin ushtary bar buıymdar: beısbol, softbol, kroket, polo oıyndaryna arnalǵan soǵý taıaqtary, bılıard, snýker jáne pýl oıyndaryna arnalǵan kııler; toqpaqtardyń (qatty nemese ıilgish) barlyq túrleri jáne qoıan-qoltyq urys quraldary; aýlar, golf oıynyna jáne ózge de sporttyq oıyndarǵa arnalǵan ımek taıaqtar; eskekter, onyń ishinde baıdarkalarǵa jáne kanoeǵa, skeıtbordtarǵa arnalǵan; 1)-3) tarmaqshalarǵa eskertpe: memlekettik organdardyń jekelegen sanat­taǵy qyzmetkerleriniń qarýdy jáne oq-dáriler­di, sondaı-aq ózge tulǵalardyń azamattyq, sporttyq, ańshylyq qarýlardy (jolaýshy áýe kemelerinde tasymaldaýǵa tyıym salynǵan gazdy qarýlarǵa oq-dárilerden basqa) tasymaldaý tár­tibi Qazaqstan Respýblıkasy Úkimetiniń 2000 jylǵy 3 tamyzdaǵy № 1176 qaýlysymen bekitilgen Qazaqstan Respýblıkasyndaǵy qarý men onyń patrondary aınalymynyń erejesinde kózdelgen; 5) «Azamattyq avıasııany zańsyz aralasý aktilerinen qorǵaýǵa arnalǵan qaýipsizdik jónindegi basshylyq, IKAO, 6-basylym, 2002 jyl «Qaýipti júkter» 24-qosymshasyna «A» tolyqtyrýda anyqtalatyn shekteýlerge sáıkes qurǵaq muz; júrek bulshyq etterin shıratatyn nemese adam denesinde bar radıoaktıvti ızotoptar jáne radıoaktıvti farmasevtıkalyq preparattar negizindegi ózge de qurylǵylar; aýrýlar­dy tasymaldaýǵa arnalǵan ıtergish-kreslo nemese akkýmýlıatorly batareıalary bar basqa jyl­jymaly quraldar; gaz jáne olardy toltyrýǵa arnalǵan gazdy elementteri bar shash buıralaýǵa arnalǵan ustaǵyshtar; synapty barometrler nemese termometrler, medısınalyq nemese klınıkalyq termometrler. 4. Qol júginde tasymaldaýǵa tyıym salyn­ǵan qaýipti zattar men buıymdar: syıymdylyǵy 100 ml astam konteınerdegi suıyqtyqtar. Ushý ýaqytyna qajetti mólsherdegi dárilik preparattar, balalar taǵamy men arnaıy dıe­talyq qajettilikter, sondaı-aq áýejaıda bajsyz saýda dúkenderinen nemese áýe kemesiniń borty­nan satyp alynǵan, ushý kezinde pakettiń ishindegige ruqsatty kózben sholyp sáıkes­tendirýdi qamtamasyz etetin, onda bul satyp alý saparǵa shyǵatyn kúni (kúnderi) áýejaıdaǵy bajsyz saýda dúkenderinen nemese áýe kemesiniń bortynan júrgizilgendigin anyq rastaıtyn (satyp alǵan taýardyń chegi), berik mórlengen (plombalanǵan) plastıktik paketke oralǵan suıyqtyqtar tasy­maldaý boıynsha erekshelikke ıe bolady. 5. Zaýyttyq oramasy, tıisti tehnıkalyq pasporty jáne sertıfıkaty joq belgisiz quram­daǵy zattar jáne suıyqtyqtar.