«Eki ezý» ezý jıǵyzbady

Bıylǵy el táýelsizdiginiń jıyr­ma jyldyq merekesi qar­sańyn­da elimizde túrli is-shara­lardyń ótetindigi belgili. Budan óner sa­lasy da qalys qalmaq emes. Osy­ǵan oraı tól mereke­niń qurmetine aqtóbelik «Eki ezý» ázil-syqaq teatry gastroldik saparyn eli­miz­diń júregi Astanadan bastady. Ras, elordaǵa kelip, elimizge belgili ázil-syqaq teatrlary aýyq-aýyq óz óner­lerin buǵan deıin de kórsetken. Alaıda «Eki ezýdiń» táýel­siz­digimizdiń torqaly toıyna tartý retindegi arnaıy baǵdar­lamamen kelýin erekshe ataǵan jón. Sonymen, «Eki ezý» ázil-syqaq teatry Kongress-Hollǵa jınal­ǵan elorda jurshylyǵyn erekshe kóńil kúıge bóledi. – Aıtýly merekege oraı eli­mizdiń barlyq óńirlerin aralap, kórermenderge shat kúlki syı­laı­­myz degen maqsatpen jospar­lan­­ǵan saparymyzdy, mine, el­or­dadan bastap otyrmyz. Bizdiń qoly­myz­dan keletini – kórer­men­ge kúlki syılaý. Sóıtip, qar­lyǵash­tyń qa­na­tymen sý sepkendeı tól merekege óz úlesimizdi qossaq dep otyr­­myz, – dedi teatr dı­rektory Nurlybek Jubatqan. Sahna ártister ázirlegen ázil án­der­men ashyldy. «Janjal», «Ter­rıtorııa», «Biz taýyp beremiz», «Úılený», «Tastandy sharana» atty ıntermedııalar arqy­ly qoǵamda bolyp jatqan túrli ke­leńsiz qubylystardy ótkir tilmen jetkizýi de ártister sheber­liginiń shyńdala túskenin kórset­kendeı. Endi joǵarydaǵy «Tas­tan­dy sharana» atty shyǵar­maǵa qysqasha toqtalar bolsaq, qazirgi tańdaǵy tastandy sábıler­diń sheteldik bala asyrap alýshy­larǵa berilip, oınaqtap júrip ot basqan jastarymyzdyń tasbaýyr bolyp bara jatqandyǵyn ájýa­men keltiredi. Kúldirip otyryp, kúńirentip jiberetin osyndaı qoıylymdar kim-kimdi de beıjaı qaldyr­maı­tyny anyq desek, «Biz taýyp beremizdegi» qazaq tiliniń múshkil haliniń beınesi, «Basyp alý» atty monologta qazaq­tyń keıbir ǵajap sóz­deri jastar arasynda jaǵymsyz jargon tiline almastyrylyp bara jatqandyǵy ashy baıandalsa, «Kó­rermen» dú­nıe­si de kúldirip otyryp oı­lan­tady. Alǵash 1998 jyly kúlki klý­by bolyp qurylǵan «Eki ezý» ázil-sy­qaq teatry 2011 jyldyń sáýi­rinde Aqtóbe oblystyq ákim­di­giniń qol­daýymen memleket qu­zy­ryna ótip, estradalyq mınıatıýra teatry bol­ǵan eken. Búginde teatrda jalpy sany jıyrmaǵa jýyq adam jumys jasaıdy. Atal­ǵan teatr ózderiniń talanttary men ta­ban­dy eńbek­teriniń arqa­synda 2002 jyly halyqaralyq «Shabyt» shyǵarma­shyl jastar festıvalinde Gran-Prı júl­de­sin jeńip alypty. Sondaı-aq birinshi respýblıkalyq baıqaýda birinshi oryndy ıelengen kóri­nedi. Sóıtip, qurylǵaly bergi on úsh jyldyń ishinde teatr eli­mizdiń túpkir-túpkirin aralap, shal­ǵaı­daǵy aýyldardaǵy aǵa­ıyn­dardyń da rızashylyǵyna bó­lenip keledi. «Eki ezýdi» aıtqan kezde onyń irgetasyn qalaýda zor eń­bek si­ńir­­gen Baqyt Aıtova, Gúl­sim Qa­ra­taeva syndy ártis­terdi aına­lyp óte almaımyz. Qa­zirgi kezderi kó­rermenderin kúlkimen kóm­ke­rip, olardyń rı­za­shyly­ǵyna bó­le­nip júrgen teatrdyń dırek­to­ry Nur­lybek Jubatqan men Qu­ral­bek Qur­manǵalıev, Berik Nur­maǵan­betov, Bekbol Tátebaev sekildi ártis­ter teatr­dyń jańa baǵ­dar­la­malaryn jasaý bary­syn­da ty­­nym­syz izdenis ústinde júr. «Astanadan bastalǵan osy­­­­naý shara aldaǵy ýaqytta bizdiń shyǵar­mashylyq jumysy­myzǵa ózindik serpin beredi», deıdi olar. Ábdirahman QYDYRBEK. _______________________ Cýretti túsirgen Aǵybaı AIаPBERGENOV.