Olar bıylǵy kóktemde tasqyn sýdan zardap shekken Zelenov, Tasqala aýdandary men Oral qalasy turǵyndarymen kezdesti. – El halqynyń birligi tasqyn sý kezinde de aıqyn kórindi. Batysqazaqstandyqtarǵa búkil respýblıka jurtshylyǵy kómek qoldaryn sozdy. Eńbek ujymdary arnaıy ashylǵan esep-shotqa bir kúndik jalaqylaryn aýdardy. Bul turǵyda Assambleıanyń úlesi –20 mıllıon teńge, – dedi kezdesý kezinde Eraly Luqpanuly.
Temir QUSAIYN. Batys Qazaqstan oblysy.
BILIKTI MAMAN ELDI О́RKENDETEDI. Elimizde ındýstrııalyq baǵyttaǵy jobalardy iske asyrý aldymen kadr daıyndaý máselesimen sabaqtasa órbıdi. Bul másele ótken aptada Atyraý munaı jáne gaz ınstıtýtynda «Munaı jáne gaz kesheni ınfraqurylymynyń ındýstrııalanýy jáne damýy» taqyrybyndaǵy aımaqtyq konferensııanyń negizgi ózegine aınaldy. Konferensııada ınstıtýt rektory T.Serikov munaı-gaz ónerkásibine otandyq mamandar daıyndaýdyń mańyzdylyǵyna toqtala kelip, «Qazaqstandyq joǵary oqý oryndaryn bitirgen jastarymyz biliktiligin udaıy kóterýi qajet. О́ıtkeni, básekege qabiletti el bolý úshin mamandarymyz da básekege tótep bererlikteı biliktilik tanytýy tıis», degen pikirin bildirdi. Ekonomıkanyń ár salasyn órkendetý, ásirese bilikti mamandar daıarlaýmen baılanysty bolatynyna toqtam jasaldy.
Joldasbek ShО́PEǴUL. Atyraý oblysy.
«ANA MEN BALA» ALLEIаSY AShYLDY. Qazaqstan táýelsizdiginiń 20 jyldyǵynda dúnıege kelgen kókshetaýlyq sábıler endi bir onshaqty jylda ata-analary otyrǵyzǵan aq qaıyńdar jelegine bólengen «Ana men bala» alleıasynda dýmandatyp serýendeıtin bolady. Jýyrda paıdalanýǵa berilgen 170 tósek-oryndyq perzenthana mańynda ornalasqan otbasy saıabaǵynyń ashylýy qalalyqtardyń jarqyn merekesi retinde óziniń dástúrli sabaqtastyǵyn jalǵastyrmaq. Saltanatqa jańa bosanǵan on ana qatysyp, oblys ákimi Sergeı Dıachenkonyń qolynan ózderi otyrǵyzǵan talshybyqtardyń ataýly sertıfıkatyn aldy. Sondaı-aq, bul erekshe sharaǵa qalanyń qurmetti azamattary, «Jasyl el» tobynyń músheleri qatysty.
Baqbergen AMALBEK. Aqmola oblysy.
OTTY JYLDAR TAǴYLYMY. Uly Otan soǵysyna Ońtústikten 140 myńnan astam er-azamat attanyp, sonyń jartysyna jýyǵynyń súıegi maıdan dalasynda qaldy. Surapyl soǵys salǵan jaranyń orny myńdaǵan júrekterden óshpek emes. Er esimi el esinde. Jeńis kúni maıdangerler “Dańq” memorıalyndaǵy “Máńgilik alaýǵa” gúl shoqtaryn qoıdy. Saltanatty mıtıng ótti. Keshqurym mereke “Shámshi alleıasynda” merekelik konsert pen otshashýǵa ulasty.
Baqtııar TAIJAN. Shymkent.
EShKIM DE, ESh NÁRSE DE UMYTYLMAIDY. Qyzylorda qalasynyń «Taǵzym» alańynda Uly Jeńistiń 66 jyldyǵyna oraı saltanatty sherý ótti. «Erlik kóktemi» atty sahnalyq kórinispen shymyldyǵyn ashqan sherýge aımaqtaǵy ardagerler, tyl eńbekkerleri, aýǵan soǵysynyń ardagerleri qatysty. Jas urpaqqa úlgi-ónege bolarlyq áńgimeler aıtylyp, sum soǵystyń qasireti týraly kórinister kórsetildi. Adamnyń saı-súıegin syrqyratar áýenmen árlengen kórinister kózge jas úıirdi. Aǵa býynnyń Otan úshin ot keshken jyldary shynaıy túrde bederlendi. Onan soń, jeti sarbaz «Taǵzym» monýmentine dańq grılıandııasyn ákelip qoıdy. Oblystaǵy barlyq mekemeler atalar arýaǵyna minájat etip, alańdy gúl shoqtarymen kómkerdi.
Erjan BAITILES. Qyzylorda oblysy.
TIS DÁRIGERLERI AÝYLDARǴA BARADY. Oblys aýdandaryn aralaýǵa shyqqan jyljymaly stomatologııalyq kabınet aldymen Qostanaı qalasynyń irgesindegi Zatobol kentine toqtady. Kóliktiń ishine medısınanyń osy salasyndaǵy zamanaýı qural-jabdyqtar ornalastyrylǵan. Stomatologtardyń málimetinshe, oblystaǵy 18 jasqa deıingi balalardyń 60-80 paıyzy túrli deńgeıdegi tis aýrýyna shaldyqqan. Jyljymaly klınıkanyń aýylǵa kelýi turǵyndarǵa óte tıimdi ekenin kórsetti. О́ıtkeni, aýyldy jerlerdiń barlyǵynda birdeı stomatologııalyq kabınet joq. Aýdan ortalyqtarynda bolǵanmen, olarda maman da, qural-jabdyqtar da jetise bermeıdi. Al bir Qostanaı aýdanynyń ózinde 400-den astam bala tis aýrýymen tirkeýde tur. Tis dárigerleri ár eldi mekende 20 kún turaqtap, aýyl balalaryna stomatologııalyq qyzmet kórsetetin bolady.
Názıra JÁRIMBETOVA. Qostanaı.
JETI OQÝShY JÚLDEMEN ORALDY. О́skemen qalasynyń jeti birdeı oqýshysy Cheh Respýblıkasynyń astanasy – Praga qalasynda ótken halyqaralyq olımpıadadan júldemen oraldy. Jalpy bilim beretin pánder boıynsha olardyń barlyǵy Eýropa memleketterindegi oqýshylarmen teń dárejede baq synasyp, tereń bilim alǵandaryn dáleldedi. №38 mektep-gımnazııanyń 11 synyp oqýshylary Toǵjan Toıbaǵarova, Darına Iаkovleva, qazaq-túrik lıseıiniń 11 synyp oqýshysy Talǵat Ýathanov birinshi oryndy, №39 orta mekteptiń joǵary synyp oqýshylary Dıas Qambarhanov ekinshi oryndy ıelendi. Aty atalǵan shákirtterdiń barlyǵy «Altyn belgige» úmitkerler.
Ońdasyn ELÝBAI. О́skemen.
