02 Shilde, 2011

Dástúrli dıplomatııa kúni

443 ret kórsetildi
Keshe Astanadaǵy «Rıksos» qonaq úıinde Syrtqy ister mınıstrliginiń qyzmetkerleri ózderiniń kásibı merekesi – Dıplomatııa kúnin saltanatty túrde atap ótti. Jalpy Dıplomatııa kúniniń atalyp ótýin tarıhı oqıǵalardyń biri dep sanaýǵa bolady. Sebebi, elimizdiń syrtqy saıasatymen biz­diń qazirgi jaǵdaıymyz ben bola­shaǵymyz tyǵyz baılanysty. Ási­rese, sońǵy jyldary Qazaqstan halyqaralyq ómirge batyl arala­syp, onyń jumystary men qyz­metine belsendi atsalysyp júr. Bul – elimizdiń abyroıy, halqy­myzdyń bedeli, egemen memle­ke­timizdiń basqa damyǵan eldermen terezesiniń teńelýi degen sóz. Sondyqtan da osyndaı aıtýly kúndi óz dárejesinde atap ótken abzal. Osylaısha, óz áriptesteri men qyzmetkerlerin quttyqtap, sóz alǵan Syrtqy ister mınıstri Erjan Qazyhanov syrtqy saıasat vedomstvosy qurylýynyń tarı­hyna úńile otyryp, «Búgin Qa­zaq­stan Respýblıkasy dıploma­tııa­lyq qyzmetiniń kásibı merekesin atap ótýdemiz. Qazaqstannyń Syrt­qy ister mınıstrligin qurý tý­raly Jarlyqqa Elbasy 1992 jylǵy 2 shildede qol qoıdy. Osy kezeńde elimizdiń táýelsizdigin baıandy etý úshin syrtqy saıasat salasynda kóp jumystar atqa­ryldy. Halyqaralyq qoǵamdas­tyqta ulttyq múddemizdi qorǵap, álemdik arenada bedelimizdi ny­ǵaı­tý jolynda jumystanǵan qa­zaq­standyq dıplomattardyń qa­jyr­ly eńbekterin erekshe atap ótemiz. Osy oraıly sátti paıdalana otyryp, barsha qazaq­stan­dyq dıplomattardy, ardagerlerimizdi jáne kelgen qonaqtary­myz­dy kásibı tól merekemizben shyn júrekten quttyqtaımyn», – deı otyryp, elimizge tynyshtyq, jerimizge bereke, otbasylarymyzǵa baqyt jáne zor densaýlyq tiledi. Sonymen qatar, saltanatty mereke barysynda elimizdiń syrt­qy saıasatyna úles qosyp, erekshe eńbekterimen kózge túsken bir­qa­tar dıplomattar marapattaý qa­ǵaz­dary men dıplomatııalyq dáre­jelerdi ıelendi. Atap aıtqanda, Qazaqstan Res­pýblıkasy Prezıdentiniń Jarly­ǵymen Ulybrıtanııadaǵy elshi Qaırat Ábýseıitovke jáne Belarýs Respýblıkasyndaǵy elshi Ana­tolıı Smırnovqa Tótenshe jáne ókiletti elshi dıplo­matııa­lyq dárejeleri berildi. Qazaqstan Respýblıkasy Pre­zıdentiniń kómekshisi Nurlan Er­mekbaevqa, Armenııadaǵy elshi Aıymdos Bozjigitovke, Túrkimen­standaǵy elshi Ashat Orazbaıǵa jáne Ázerbaıjandaǵy elshi Serik Pirimbetovke I synypty Tó­ten­she jáne ókiletti ýákil dıp­lo­ma­tııa­lyq dárejeleri berildi. Sonymen birge, Iordanııadaǵy elshi Bolat Sársenbaevqa II sy­nypty Tótenshe jáne ókiletti ýá­kil dıplomatııalyq dárejesi be­ri­lip, kýálikteri resmı túrde tabys etildi. Taǵy basqa da túrli deńgeıdegi dıplomatııa qyzmetkerleri dıplo­matııalyq dárejeler men marapattaý qaǵazdaryn aldy. Nurbek JOLTAIULY.
Sońǵy jańalyqtar

PIK pen MIB-tiń «shaıqasy»

Qazaqstan • Keshe

Plastık qaptamanyń álegi

Ekologııa • Keshe

Kólikqumarlarǵa arnaldy

Ekonomıka • Keshe

Qymbat em-dom qoljetimdi

Medısına • Keshe

О́lke táji – О́leńti

Aımaqtar • Keshe

Aqshoqyda arqar atqan...

Aımaqtar • Keshe

Jastarǵa janashyr joba

Qoǵam • Keshe

Týrıster qyzyǵatyn ólke

Týrızm • Keshe

Uqsas jańalyqtar