Iemen Prezıdenti Alı Abdalla Salehtiń Saýd Arabııasyndaǵy emdelýi 6 aıǵa sozylýy múmkin.

Atom stansasyn toqtatyp tastady Shotlandııadaǵy Torness AES-nyń eki qýat blogynyń jumysyn kádimgi teńiz medýzalary toq­ta­typ qoıypty. Sóıtse, atom stansa­synda reak­torlardy sýytýǵa paı­dalany­latyn teńiz sýyndaǵy medýza­lardyń súzgini bitep tastaǵany sondaı, ol avtomatty túrde toqtap qalǵan. Qazirgi kúni EDF Energy kompanııasynyń operatorlary súz­gini tazartý ústinde kórinedi. Atom stansasynyń jumysy tek aldaǵy aptada ǵana jalǵasady dep kútilýde. EDF Energy kompanııasy ókiliniń málimdeýinshe, reaktor aınalasyndaǵy qorshaǵan ortaǵa  zalalyn tıgizedi dep joramal jasaýǵa esh negiz joq. Jalpy, bul medýzalardyń reaktorlar jumysyna alǵashqy tıgizgen kesiri emes, osydan burynǵy aptada da Japo­nııadaǵy «Sımane» stansasynyń súzgisin de medýzalar keptep tastaǵan bolatyn. Shegirtke shoıyn joldy basyp qaldy Ishki Mońǵolııadaǵy shoıyn jol boıyn shegirtke basyp, olar aldymen poıyz­dar­dyń júrisin baıaý­latý­ǵa máj­búrlep, odan soń tipti toq­tatyp tastady. Shegirt­kelerdiń tuta­sa qaptaǵa­ny sonshalyq, alǵa­shyn­da baıaý ǵana jyljyǵan júk poıyzy aqyrynda 3 saǵatqa júrisin múlde toqtatypty. Oqıǵany kózimen kórgen jol polısııasynyń ofıseri Ýdan Fý Szıango: «Shegirtkelerdiń elektr jú­ıesinde bulaısha qysqa tuıyqtalý jasap, onyń júrisin toqtatýǵa deıin baratynyn kórmek túgili estigen emespin», – dep qaıran qalǵanyn jetkizgen. Mamandardyń aıtýynsha, shegitkeler shoıyn jolǵa tamaq izdep kelgen. О́z jolyndaǵylardyń barlyǵyn jýsatyp, aǵashtardyń  japyraqtaryna deıin jep, sıdı­typ ketken jándikterden jol boıyn tazalaýǵa arnaıy jumys­shylar aldyrýǵa týra kelgen. Qoldaryna kúrek, sypyrǵysh alyp obyr shegirtkelerden jol ar­shyǵan jumyskerler arqasynda ǵana poıyzdar júrisin jalǵaǵan kórinedi. Senatorlar kanıkýlǵa shyqpaıdy AQSh senatorlary 4 shildedegi Táýelsizdik merekesinde beriletin demalystan bas tartyp otyr. Demo­krattardyń lıderi Garrı Rıd «Zań shyǵarýshylar el tarıhynda tuń­ǵysh ret defolttyq jaǵdaı týyp otyrǵanda demalyp jata almaıdy, biz Vashıngtonda qalamyz», deıdi. Sársenbide respýb­lıkashylar da Vashıngtonda qalatyndyqtaryn málimdedi. AQSh-taǵy bir-birimen taıtalasqan eki partııa arasynda birlesip jumys jasaý jaıynda jıi-jıi aıtylǵanymen, olardyń memlekettiń bıýdjet tapshylyǵyn qysqartý men qaryz mólsherin belgileýde kelisimge keletindikterine senim joq, deıdi aqparat kózderi. Obama ákimshiligi eger 2 tamyzǵa deıin bıýd­jet týraly zań qabyldanbasa, tek AQSh-qa ǵana emes, búkil álemdik ekonomıkaǵa áseri tıetin defolt qaýpi bar degen eskertý jasady. Qazirgi kúni memlekettik qaryzdyń lımıti 14,3 trıllıon dollardy qurap otyr. Monako hanzadasy otbasyn qurdy Eýropa jurtshylyǵy suǵyn qadaǵan súrboıdaǵy Monako hanza­dasy Albert Ekinshi 33 jastaǵy ońtústikafrıkalyq sportshy qyz Shar­len Ýıttstokqa úılendi. 53 jasqa deıin qansha sulý kózin qadasa da úılenbeımin dep júrgen hanzadanyń eki áıelden nekesiz eki balasy  bar. Al qazirgi tańdaý túsip otyrǵan qalyńdyǵymen  hanzada   2000 jyly tanysqanymen, aralaryndaǵy sezim ushqyny 5 jyldan keıin paıda bolǵanǵa uqsaı­dy. Albert hanzadanyń úılenbeımin degen usta­nymynyń eldi alańdatqany sonshalyq bul el taqqa eger erkekkindikti murager bolmaǵan jaǵdaıda qyzdar men jıender de otyra alady dep konstıtýsııalaryna ózgeris engizýge de májbúr bolǵan-tyn. Taq ıelengenderine 700 jyldan asqan, Eýropadaǵy patshalyq kóne dınastııa Grımaldı áýleti naǵyz qýanysh pen úmitke bólenip otyrǵan syńaıda. Iemen prezıdenti emdelip jatyr О́ziniń atyn aıtpaýyn ótingen málimet berýshi Onyń jaǵdaıy aýrý­hanaǵa kelgen jaǵdaıymen salystyr­maly túrde aıtqanda jaqsy, biraq, denesiniń kóp jeri kúıgendikten jáne plastıkalyq operasııalar jasal­ǵan­dyqtan kúrdeli kúıde qalyp otyr, deıdi. Prezıdenttiń halyqqa teledıdar arqyly úndeýmen shyǵýy múmkin be degen saýalǵa ol: «Joq, prezıdenttiń hal-jaǵdaıy ári bet-álpeti olaı jasaýǵa kelmeıdi», dep atap ótken. Internet materıaldary negizinde ázirlendi.