Almatylyq oqýshylar Astana kúnine án-jyrdan shashý shashty

Esildiń eki jaǵynda baıaǵynyń batyrlaryndaı saǵat sanap ósken Astana kúni bıyl táýelsizdigimizdiń 20 jyldyǵymen oraılasyp otyr. Osyn­daı aıtýly oqıǵaǵa elimizdiń oqý­shy­lary da óz úlesterin qosyp, ónerlerin tartý etýde. Sondaı bir ádemi kesh «Táýelsiz eldiń ónerli urpaqtary» degen taqyrypta elor­dadaǵy Prezıdenttik mádenıet or­ta­lyǵynda ótti. Oǵan uıytqy bolǵan Almaty qalasy Medeý aýdanyndaǵy №172 jalpy bilim beretin mektep oqýshylary edi. Jyr tógip, án áýeletken 120 ónerli ul-qyz sahna tórinde Án­uran­dy dombyranyń súıemel­deýi­men oryndap, rýhyńdy kóterip, sa­na­ny serpiltip jiberdi. Aıtysker aqyn Farhat Maratuly óleń órim­derimen Astana kelbetin aıshyqtap, zal orta bolǵanymen, kóńildiń toq ekenin termeleı jetkizdi. «Úlkenniń myńyna bergenshe balanyń birine ber» degen ulttyq qaǵıdany ańǵart­ty. Oqýshylardyń ónerine qaraı kıgen kıimderi de ulttyq naq­yshy­myzdyń nárin kóz aldyńa ákeledi. «Astanam – baǵy bıik asqarymsyń, Astanam – máńgi jaryq aspa­nym­syń. Astanam – peıish qala el ar­ma­ny, Astanam – qaıda júrsem maq­tanyshym», dese aqyndar, «Qa­rly­ǵash­tar» ansambliniń músheleri alma-kezek óner kórsetip jatty. Jaqan Tamyrlan «Qazaq osy» ánin shyr­qa­dy. Qoldaryna dombyra tıgen tusta Nurǵısa Tilendıevtiń «Álqıssasyn» tartyp, jurttyń erekshe iltıpatyna bólendi. Al jas talapkerler Murat­áli Serikboluly men Júnis Aıbek Astana týraly óleńderin oqysa, bal­ǵyn talapkerler Nuraı Aıtýarova men Ámir Satybaldy áp-ádemi aıtystyń joralǵysyn jasady. Ámir óziniń erteń qurylysshy bo­lyp, Astananyń ajaryn ashýǵa úles qosatynyn aıtsa, Nuraı ánshi bo­lyp elorda sahnasynan án salsam degen armanyn alǵa tartty. Qazaq kúı ónerinde ózindik qol­tańbasy bar dombyrashy, talantty oqýshylardyń qamqorshysy A.Raı­ym­bergenov pen «Qarlyǵashtar» ans­ambliniń jetekshisi Ǵalııabaný Qo­jabergenqyzy shákirtterimen qosylyp «Naýryz» kúıin oryndady. Konsertten keıin atalmysh mek­teptiń dırektory Nuraıym Úsenova táýelsizdiktiń 20 jyldyǵyna arna­ǵan oqýshylardyń konserttik baǵ­darlamasyn Astana tórinde tanys­tyrý ózderi úshin úlken mereı ekenin aıtyp, jalpy bilim beretin mektepte oqýmen qatar, ónerli jas­tar­dy baýlý úshin atqarylyp jatqan ıgilikti is Elbasy Nursultan Nazar­baevtyń «Mádenı mura» baǵdar­lamasy negizinde «Murager» jobasy boıynsha júzege asqanyn jetkizdi. Segiz jyldyń ishinde oqý men ónerdi ushtastyrǵan ondaǵan oqýshylar elge tanyldy. Ulttyq rýhtary kóte­ri­lip, táýelsiz eldiń patrıoty bolýy úshin osyndaı altyn dińgek ónerge den qoıdy. О́zderiniń qazaq ekenin, qazaq ultynyń ulany ekenin sezdi, túsindi. Buǵan úles qosqan A.Raı­ym­bergenov pen Ǵ.Qojabekqyzyna al­ǵy­sym sheksiz. Sol sekildi osyndaı keshti elordada ótkizýge Astana qa­lasy ákiminiń orynbasary V.Kry­lov pen ózge de demeýshilik kórset­ken azamattarǵa shynaıy iltı­pa­tym­dy bildiremin. Astanamen tanysqan 120 oqýshynyń esinde búgingi Astana kelbeti ómirboıy qalatyny sózsiz, dedi. Al Astana qalasy bilim basqarma­synyń bastyǵy Ásıma Bımendına Almatydan kelgen ónerli jastardyń bolashaǵyna sát-sapar tilep, aldaǵy ýaqytta birge jumys isteıtinderin tilge tıek ete kelip, alǵys hat pen baǵaly syılyq tap­syrdy. «Jas Otan» jastar qana­tynyń atqarýshy dırektory  N.О́te­shov balapan kezderinen rýhanı qun­dylyqqa den qoıǵan oqýshylardyń talpynysyna árkez qolushyn soza­tyndyqtaryn bildirdi. Májilis depý­taty Nurtaı Sabılıanov oqý­shy­larmen oı bólisti. Súleımen MÁMET.