05 Shilde, 2011

Premer-lıga: Aýys-túıister

212 ret kórsetildi
Qazir Eýropa elderinde fýtbol chempıonattary bastala qoıǵan joq. Esesine Qazaqstannyń premer-lıgasyndaǵy oıyndar qyza túsýde. Sońǵy kúnderi komandalar­dyń kóbi aýys-túıister jasap, qatar­laryn birshama kúsheıtip alýǵa ba­ryn salyp jatyr. «Astana» ko­man­dasyna «Ertisten» qor­ǵaýshy Mak­sım Jalmaǵam­betov, Anatolıı Dorosh, osy kezge deıin Iz­raıldiń «Makkabı P-T» klýbyn­da oınaǵan serb Neboısha Marınkovıch keldi. Osylardyń ishinde Doroshqa toqtalar bolsaq, ol – Moldova quramasynyń 28 jasta­ǵy for­vardy. Osy kezge deıin bul fýtbolshy premer-lıgada 15 oıyn ótkizip, 4 goldyń avtory atandy. Sol sııaqty Qazaqstan Ký­bogy úshin bolǵan matchtarda taǵy 3 dop soqty. Al «Astanadan» «Shah­terge» Aleksandr Kırov, Dmıtrıı Shomko, Ivan Shevchenko men Ulan Qonysbaev aýysty. Kırov osy kezge deıin elimizdegi 8 komandanyń jeıdesin aýystyryp úlgeripti. 26 jas­taǵy oıynshy bıylǵy maý­symda astanalyqtar qatarynda 8 ret alańǵa shyqsa, 12 ret Qazaq­stan quramasynda oına­ǵan. Al soń­ǵy úsheýi qaraǵa­n­dylyq ko­man­daǵa jaldyq negizde berildi. «Aqtóbeniń» qataryn Qy­zyl­ordadan qaqpashy Arslan Saty­baldın men serb Vladımır Djılas tolyqtyrdy. Djılas Serbııa­nyń «Iаgodına» klýbyn­da oına­ǵan. Komandadan Alan Bono, Danııar Mu­qanov, Sergeı Boıchenko, ıspan Hýan Bezares ketýge sheshim qa­byl­­dady. Bıyl­ǵy chempıonatta jaq­sy oıyn órnegin kórsetip júr­gen Taldy­qorǵannyń «Jetisý» ko­mandasy da qataryn myqty oıyn­shy­larmen tolyqtyrýdy maq­sat etýde. Jaqynda «Jeti­sý­ǵa» ser­­bııa­lyq jartylaı qor­ǵaý­shy Marko Djalovıch keldi. Al slo­ve­nııalyq Darko Kremenovıch klýb aýysty­rýǵa májbúr boldy. «Shahterge» «Astanadan» aýys­qan tórt oıyn­shymen birge «Svetkavısta» (Bolgarııa) klýby­nyń sha­býylshysy Vasıl Kaloıanov keldi. Al komandadan «Vos­­tokqa» jal­dyq negizde Vıacheslav Erbes aýys­sa, Danııar Jankın, Jandasyl Rymhan, Marǵulan Erikov sııaqty oıynshylar birjolata ketti. Pavlodarlyq komandanyń bas­shylary qorǵaýshy Maksım Jal­ma­ǵam­betovtiń «Astana» klýby­na aýy­syp ketýine baılanysty qor­ǵanys shebinde oryn alǵan ol­qy­lyqty sloven fýtbolshysy Marko Balajıchpen toltyrýǵa sheshim qabyldady. Boıy 194 sm. keletin bul qorǵaýshy jat­tyq­­tyrý­shylar nazaryna qysqy su­ryp­taý kezinde ilikken eken. Biraq jeme-jemge kelgende, olar legıonerler úshin qalǵan jalǵyz vakansııany moldovan Anatolıı Doroshqa paı­dalanǵandy jón kóripti. Sóı­te tura, komandanyń bas jat­tyq­tyrýshysy Tal­ǵat Baısýfınov sodan beri sloven jigitin udaıy baqylaýynda ustap otyrypty. Endi múmkindik týǵan boı­da ony qatarǵa shaqyrǵan. Komanda taǵy «Ordabasydaǵy» Ulyqbek Ba­kaevpen jáne «Tobyldaǵy» Alekseı Danaevpen kelisim-shart jasasty. Al «Ordabasynyń» sapy «Tar­lan­nyń» eki oıynshysy Bekzat Beısenov jáne Mardan Tólebek­pen tolyqty. Byltyrǵy el chempıony «To­bylǵa» reseılik bas bapker Sergeı Petrenkomen birge Moldova­nyń «Rapıd» klýbynan Maksım Fransýz, Dmıtrıı Bogdan («Qaı­sar») men Baýyrjan Jolshıev («Aty­raý») keldi. Sol sııaqty «Aty­raý­dyń» buryn­ǵy oıynshy­sy Vladımır Iаkovlev, Danılo Belıch («Astana»), Ivan Manche («Makkabı P-T», Izraıl) men Mılosh Adamovıch («Sherıf», Mol­dova) «Taraz» úshin oınaýǵa kelisim berdi. «Atyraýdyń qatary da birneshe oıynshymen tolyq­qanyn atap ótý­ge bolady. «Tarazda» óner kórset­ken Baýyr­jan Baı­tana, Vladımır Sıdelnıkov («Vostok»), Danııar Mu­qanov («Aq­tóbe»), Sanat Shalekenov («Aqjaıyq»), Oleg Sabırovpen birge Kýveıttiń «Ál-Sal­mııa» klýbynan golland Sılvıo Komvalıýs aýysty. Almatynyń «Qaı­ra­ty» da qa­ta­ryn kúsheıtýge umtylý ústinde. Aǵylshyn bapkeri Djon Gre­gorı komandaǵa ózimen birge bra­zı­lııalyq Joze Tadeý Martıns, ızraıldik Iossı Shekel men «Ertisten» Alek­seı Shakındi alyp keldi. Al Tımýr Baıjanov «Qaı­sardyń» qanasyna shaq keldi. Taıaýda ǵana Pavlodardyń «Ertisinen» Syr boıyndaǵy bas qala koman­da­syna aýysyp kelgen Tı­mýr Baıjanov esimdi jas fýt­bolshy alǵashqy oıy­nynan jat­tyqtyrýshylardyń da, jan­kú­ıer­lerdiń de kóńilinen shyq­ty. Ol óziniń burynǵy koman­da­sy­men oıynnyń alǵashqy mınýt­ta­ryn­da gol soǵyp, qy­zyl­or­da­lyq­tardyń jeńiske jetýin qamtamasyz etti. Tımýr Baıjanov – Pavlodar fýt­bolynyń tú­legi. Buǵan deıin birinshi lıga­daǵy «Qazaqmys» ko­man­dasynda oınaǵan. Al «Qaı­sar» sa­py­na «Ertistiń» qo­salqy qura­myn­da oınap júr­gen jerinen alynǵan. «Qaı­sar­ǵa» Baıjanovpen birge Azız Anarmetov («Taraz»), qaq­pa­shy Jasýr Narzıkýlov («Mashıal», О́zbek­stan) Igor Malysh («Zakarpate») jáne bas bapkerlikke Vladımır Lınchevskıı alyn­dy. «Vostok» klý­by­na buǵan de­ıin Kıevtiń «Dınamo», Dnepro­petrovskiniń «Dnepr» jáne Krıvoı Rogtyń «Krıv­bass» ko­mandalarynyń na­my­­syn qor­ǵaǵan be­lgili qaqpashy Vıacheslav Kerzonenko keldi. Ol О́skemen­niń koman­da­syna qaq­pashy­lar jat­tyq­tyrý­shysy bo­lyp orna­lasty. Ony óz jat­­tyq­­tyrý­shy­lyq shtabyna ýk­raı­nalyq maman Aleksandr Golokolosov shaqyrǵan kóri­nedi. Oıyn­shy­lar­dan komandaǵa Alek­­sandr Zgýra («Prıkarpate», Ýkraına) Anton Moltýsınov («Astana-64») pen Vıacheslav Erbes («Shah­ter») qo­syldy. Dastan KENJALIN.
Sońǵy jańalyqtar

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Ustazdyń aty ólmeıdi

Bilim • Búgin, 10:30

Karapastyń qarqyny kúshti

Sport • Búgin, 10:29

«Kaspıı» kósh bastady

Sport • Búgin, 10:27

Medısınalyq poıyzdar jolǵa shyqty

Medısına • Búgin, 10:17

Tórtinshi orynda qalyp qoıdy

Sport • Búgin, 08:59

«Jas daryn» baıqaýy ótti

Aımaqtar • Búgin, 08:58

Elıtadaǵy ornyn saqtap qaldy

Hokkeı • Búgin, 08:55

«Jasyl» ósim ornyqty damýǵa jeteleıdi

Ekologııa • Búgin, 08:52

Jarqyn beınesi jadymyzdan óshpeıdi

Qazaqstan • Búgin, 08:50

Adaldyq pen shyndyqty shyraq etti

Qazaqstan • Búgin, 08:48

Kóshelerde sý kólkimeýi úshin...

Ǵylym • Búgin, 08:44

Daıyndyq jumystary júrip jatyr

Referendým-2022 • Búgin, 08:35

Jastar jaýapty tańdaý jasaýǵa daıyn

Referendým-2022 • Búgin, 08:30

Bul – ózekti máseleni birlesip sheshý joly

Referendým-2022 • Búgin, 08:28

Halyq pen bıliktiń úılesimi

Referendým-2022 • Búgin, 08:25

Bolashaq zańgerlermen kezdesti

Referendým-2022 • Búgin, 08:18

Erteńge degen senimdi oıatady

Referendým-2022 • Búgin, 08:15

52 elde 65 ýchaskelik komıssııa quryldy

Referendým-2022 • Búgin, 08:10

Uıymdastyrý men ótkizý jumystary pysyqtaldy

Referendým-2022 • Búgin, 08:06

Salyq túsimderi byltyrǵydan joǵary

Ekonomıka • Búgin, 08:00

Uqsas jańalyqtar