Keńestiń kezekti otyrysy

Keshe Ońalsyn Jumabekovtiń tór­aǵa­lyǵymen Qazaqstan Respýblıkasy Joǵary Sot Keńesiniń kezekti otyrysy ótti. Keńes otyrysynda Respýblıkanyń keıbir jergilikti jáne basqa sottary sýdıalarynyń bos qyzmet oryndaryn isterdi qaraý barysynda júktemeni eskere otyryp, úılesimdi paıdalaný má­se­leleri, memlekettik qyzmet júıe­sin­degi sýdıalardyń mártebesi, sondaı-aq sot júıesindegi kadrlyq máseleler qarastyryldy. Jekelep alǵanda, Joǵarǵy Sottyń sýdıasy Elis Nurqasymuly Ábdi­qadyrov Joǵarǵy Sottyń azamattyq jáne ákimshilik ister jónindegi qada­ǵalaý sot alqasynyń tóraǵasy qyz­metine taǵaıyndaýǵa Memleket basshy­syna usynyldy. Joǵary Sot Keńesiniń janyndaǵy Bi­liktilik komıssııasynyń quramyna óz­gerister engizildi, onyń tóraǵasy bolyp Qazaqstan Respýblıkasy Prezıdenti Ákimshiliginiń Memlekettik-qu­qyq bólimi meńgerýshisiniń orynbasary Arman Daıyruly Jumabekov taǵaıyndaldy. Sonymen birge, ornynan túsken sýdıanyń mártebesine nuqsan keltiretin teris qylyq jasaǵanyna baıla­nys­ty Zamıla Mýsıfýllovna Fat­tahova­nyń ornynan túsýin toqtatý týraly usynym qabyldandy. Qazaqstan Respýblıkasy Prezıdenti Ákimshiliginiń Memlekettik-quqyq bólimi.