Sizdi erekshe jaqsy kóremiz!

Men óz ómirimde Elbasyna, Prezıdentke hat jazamyn dep oılap kór­megen edim. Biraq, adam bolǵan soń, tuıyqqa tirelip, aldyńnan qıyn­dyqtar, kedergiler kezdesetin jaǵdaı­lar bolady ǵoı. Bizge, kásipkerlerge tek jumys jasaý kerek, elimizdiń  damýyna óz úlesimizdi qosyp osy sa­lany damytqymyz keledi. Shynyn aıtý kerek, kedergiler az emes. My­sa­ly, óz basymnan qazir sondaı jaǵdaı ótýde. Qashyr aýdany ortalyǵyndaǵy astyq saqtaıtyn keshendi satyp alyp, bıdaı ósiretin jergilikti jerdegi sharýa qojalyqtarymen  2004  jyldan bas­tap jaqsy jumys  jasap kele ja­tyr edik. Byltyrlary kútpegen jer­den ba­sym daýǵa qaldy. Jeke kásip­oryn­nyń jumys jasaýyna bóget jasap, reti kelse, tartyp alǵylary kelgen jergilikti jerdegi keıbir bas­shy­lar­men, quqyq qorǵaý oryn­dary­nyń zańsyz áreketterinen kóz asha almaı qaldym. Sodan amal joq, óz isim­niń aq­tyǵy men adaldyǵyn dáleldeý úshin Elba­syna «Bıznesti qorǵaý» saıt júıesi arqyly hat jazdym. Osy­dan keıin-aq, Memleket basshysy bergen tapsyrma­ǵa oraı kásiporyn ju­my­sy­na, ózime tosqaýyl  qoımaq bol­ǵan­­dar­ǵa shara qoldanyldy. Bir ty­nys­tap, erkindep qaldym. Rahmet, Sizge! Qu­qyq qorǵaý oryndary endi ju­mys ja­saýyma ty­nyshtyq berer dep oılaı­myn. Kásip­kerler Sizge senedi. Sizdiń senimińizdi aqtaýǵa  daıyn­­byz. Qur­met­ti Elbasy,  Sizdi shyn júrek­ten jaqsy kóremiz! О́zińiz irgesin qa­la­ǵan Astanamen birge jasaı berińiz. Qanat ShÁIKENOV, «Agrotreıd» JShS dırektory. Pavlodar oblysy.