Vını velosporttan ketti

Taıaýda HH ǵasyrdyń sońǵy jyldary qazaq sportynyń tabaldyryǵyn ımene attap, tóri­nen oryn alǵan talantty sportshy­larymyz­dyń biri Aleksandr Vınokýrov úlken sportpen qoshtasty. Parıj gospıtaldarynyń biriniń aldynda qaýmala­ǵan fransýz jýrnalısteri. Báriniń saǵattar boıy kútip otyr­ǵan bir adamy esikke jaqyndap, ony aıqara asha bergende pysyqaı jýrnalısterdiń biri qalyń toptyń arasy­nan sýy­rylyp shyǵyp, aman-saýlyq surasqan soń, «Endigi jos­paryńyz qandaı, úlken sportta qalasyń ba?» degen sura­ǵy­na: «Sporttan ketemin», degen bir aýyz sóz jaýa­byn al­dy. «Týr de Frans» kópkúndigi jarysynda jara­qat alyp, birneshe kún gospıtalda emdelip shyqqan Aleksandr Vınokýrovtyń jýrnalıske bergen jaýaby sol kúni, sol saǵatta búkil álemdi sharlap, qazaq dalasyna da kelip jetti. Endi bizdiń mańdaıymyzǵa Vınokýrovtaı veloshabandoz jazyla ma, ony bir Jaratqannyń ózi biletini sózsiz. Al ol dál búgingideı úlken jarysta jaraqat alyp, ony sońyna deıin aıaqtamaı ketemin dep oılaǵan joq, árıne. Onyń bar oıy– «Týr de Fransta» sońyna deıin jary­syp, sáti tússe elimizdiń namysyn bir qorǵap, kók baıraqty Elıseı alabynda kókke kóterý bolatyn. Taǵ­dyr­dyń jazǵany solaı boldy ma, endi Sasha vel­o­sport­shy emes, endi ol «Astana» komandasynyń bas tizginshisi, menedjeri. Munyń ózi de, qa­zaq komandasyna Jarat­qan­nyń bergen taǵy bir jaqsy­lyǵy, sharapaty shyǵar. Endi «Astananyń» búkil taktıkasy jyldar boıy talaı jarystarǵa qatysyp, shyńdalǵan Vınokýrovqa baılanys­ty bolady. Vınokýrovtyń úlken sporttaǵy alǵashqy jeńisi 1999 jyly boldy. www. wikipedia. org  saıtyna qaraǵanda, osy jy­ly ol «Krıterıým dıý Dofıne» jarysynyń jeńimpazy atan­sa, kelesi jyly Sıdneı Olımpıadasynyń kúmis júl­degeri boldy. Odan keıin Aleksandr jyl saıyn úlken jarystarda jetistikterin qaıtalap otyrdy. 2001 jyly Germanııa týrynda, 2002 jyly Parıj – Nıssa týrynda márege birinshi kelse, 2003 jyly taǵy da Parıj – Nıssa, Shveısarııa týrynda, «l’ Amstel Gold Reıs» birkún­digin­de bas júl­dege ıe boldy. Sol jyly «Týr de Fransta», 2004, 2006 jyl­dary álem chempıonatynyń qola júldegeri atandy. 2005, 2010 jyldary Lej – Baston – Lej birkúndiginde, Výelta jarysynda márege birinshi kelse, bıyl Romandııa týry men «Krıterıým dıý Dofıne» velobáıgesinde úshinshi orynǵa taban tiredi. Vınokýrov úlken sportta myna komandalarda óner kórsetti. 1998 – 1999 jyly «Casino», 2000 – 2003 jyl­dary «Team Telekom», 2004 – 2005 jyldary  «T-Mobile», 2006 – 2011 jyldary «Astana». Ataqty sportshynyń ómi­rinde bir ǵana ókinish boldy dep oılaımyz. Ol búginginiń «Qotyrashtary» men «Batyrashtarynyń» tý syrtynan at­qan­daı jala jaýyp, «Qulagerdeı» alysqa shapqan sport­shynyń aldyn orap, aıaǵyna tusaý salǵany dep bilemiz. Biraq ómirdiń talaıyn kórgen Vınokýrovtyń ataǵyna bul nárse kir keltirgen joq. Qaıta oǵan jala jabylyp jatsa, onyń jolyn keskisi keletin adamdardyń bar ekeni, al Vınokýrov  soǵan shydap júrgen shyn myqtynyń ózi ekenin kórsetip berdi. Dastan KENJALIN.