Oblysqa jańa ákim taǵaıyndaldy

Keshe Qazaqstan Respýblıkasy Prezıdenti Ákimshiliginiń Basshysy Aslan Mýsın jumys saparymen Aqtóbe oblysyna keldi. Ol oblystyq máslıhattyń kezekten tys XXX sessııasyna qatysyp, Memleket basshysy Nursultan Nazarbaevtyń Aqtóbe oblysy ákimi qyzmetine Arhımed Muhambetovti usynǵanyn jetkizdi. Depýtattar Elbasy usynysyn biraýyzdan qoldady. Sodan keıin Prezıdent Ákim­shiliginiń Basshysy oblystyq aktıv jınalysyna qatysty. Aslan Mýsın aktıv jınalysyna qaty­sý­shylar aldynda Elbasy Jar­ly­ǵymen Aqtóbe oblysynyń áki­mi Eleýsin Saǵyndyqovtyń basqa qyzmetke aýysýyna baılanysty jumysynan bosatylǵanyn, al on­yń ornyna Arhımed Muham­be­tov­­­tiń taǵaıyndalǵanyn málim­de­di. Aslan Esbolaıuly óz sózinde Eleý­sin Saǵyndyqovtyń oblysty bas­qarǵan jyldary óńirdiń eko­no­mı­kalyq-áleýmettik damýyna ózin­­dik úles qosqanyn, birtalaı sha­rýa­lardy tyndyrýǵa bastamashy bolǵanyn atap ótti. Oǵan Elbasy atynan rahmet aıtty. Buǵan deıin Aqtóbe qalasyn úsh jyl bas­qar­ǵan Arhımed Muhambetovtiń aq­tó­belikterge jaqsy tanystyǵyn da jasyrmady. О́z kezeginde sóz alǵan Eleýsin Naýryzbaıuly ob­lystyń el ekonomıkasyndaǵy jetekshi ról atqaratynyna toqtala kelip, kóptegen kórsetkishter boı­ynsha ilgerileýge qol jetkizilgenin tilge tıek etti. О́zi óńir tizginin qolǵa alǵannan beri Elbasy tarapynan udaıy qoldaý kórse­tilgenin, jergilikti bılik te óz­derine berilgen tapsyrmany aby­­roımen oryndaǵanyn jetkizdi. Aqtóbelikterdiń birligi men yn­ty­maǵy talaı tabysty joba­lar­dy júzege asyrýǵa alǵyshart ja­sa­ǵa­nyn aıta kelip, osy jyl­dar­da yn­tymaqtasa jumys istegenderi já­ne qoldap otyrǵandary úshin jerlesterine rızashylyǵyn bildirdi. Jańa taǵaıyndalǵan oblys áki­mi Arhımed Muhambetov ózine kórsetilgen Elbasy senimin aq­taı­tynyn, qoldaý bildirgen jerlesterin jerge qaratpaıtynyn jetkizdi. Aktıv jınalysynda sóz alǵan eńbek ardagerleri, halyqaralyq «Qazaq tili» qoǵamy oblystyq uıymnyń tóraǵasy Kemeıdolla Tóleýbaı, oblystyq múgedekter qoǵamynyń tóraǵasy Fedor Chemodanov, «Beıbitshilik jáne kelisim» keńesi oblystyq fılıaly­nyń tóraǵasy Keldibaı Espaǵam­be­tov, Eleýsin Saǵyndyqovqa óńir tizginin qolǵa alǵan kezeńde at­qarǵan jumystary úshin alǵys sezimderin bildirse, jańadan ta­ǵaı­yndalyp jatqan oblys ákimi Arhımed Muhambetovke jańa qyz­metinde tabys, sáttilikter tiledi. Aktıv jınalysyn qorytyn­dy­laǵan Aslan Mýsın óńirdiń eko­nomıkalyq múmkindigi mol eke­nin aıryqsha atap ótti. Eleýsin Saǵyndyqov oblys ákimi bolyp turǵanda biraz sharýalardyń tyn­dyrylǵanyn alǵa tartty. Alaıda, oblys ekonomıkasynyń 80 paıy­zy taý-ken, munaı óndirýge táýel­di bolyp otyrǵanyn, eginshiliktiń qurylymyn ózgertý qajettigin, aýyldyq jerlerdi aýyz sýmen qamtamasyz etýdiń kenje qalǵa­nyn, jergilikti joldardyń jón­deý kútip turǵanyn ózekti máse­leler retinde kóterdi. Ásirese, qylmyskerliktiń kemimeı otyr­ǵa­nyn, onyń ishinde aýyr qylmys jasaýshylyqtyń beleń alǵanyn, din máselelerinde de túıtkilder bar ekenin qadap aıtty. Ol osy jáne basqa da ózekti máselelerdi sheshýge jańadan taǵaıyndalǵan oblys ákimi Arhımed Muham­be­tovtiń iskerligi men biliktiligi, qarym-qabileti jetetinine senim bildirdi. Buǵan deıin Aqtóbe qa­la­syn úsh jyl basqarǵan jańa ákim­niń táýelsizdik jyldary shyń­dal­ǵan basshylardyń jańa tolqyny­na jatatynyn eske saldy. Sodan keıin Prezıdent Ákim­shiliginiń Basshysy Aslan Mýsın quqyq qorǵaý organdary basshy­la­rymen jıyn ótkizip, bul baǵyt­taǵy Elbasy tapsyrmasyn jetkizdi, saladaǵy ózekti máselelerdi talqylady. Satybaldy SÁÝIRBAI, Aqtóbe oblysy.