Jeńisten keıin jeńis

Astanada jasóspirimder arasyndaǵy álem chempıona­ty­nyń jalaýy jelbiredi. Senbi kúni «Qazaqstan» sport sa­raıynda jarystyń ashylý sal­tanaty ótip, álemniń 48 eli­nen kelgen bozbala boksshy­lar alǵash­qy jekpe-jekterin bastap ketti. Qazaqstan quramasy alǵashqy eki kúnde tórt ret jeńiske jetti. Osy kúnderi alyp saraıdyń ishinde kerilgen sharshy alańǵa tórt boksshymyz shyǵyp, tórteýi de qarsylastaryn tize búktirdi. Bul synda birinshi bolyp 57 kılo salmaqtaǵy Erbolat Ermekov qolǵap túıistirdi. Ol tájik Shavkat Rahımovty aıqyn basymdyq­pen utty. Odan keıin kelesi kúni Erbolattyń jolyn ári qaraı Oljas Qalaýbek (46 kg.), Aıan Qalıbekov (60 kg.), Bekjan Kibit­qalıev (54 kg.) jalǵas­tyr­dy. Oljas japon Iýkıı Nakadjımana, Aıan belarýs Artem Lıap­ko­ny, al Bekjan sırııalyq Alshava Abdýlvahabdy ońaı jeńdi. Shúkir, qazir bizdiń balalar­dyń aıaq alysy jaman emes. Qu­ra­manyń menedjeri, Olımpıada chempıony Ermahan Yby­ra­ıymov­tyń óziniń jarysqa daıyndyǵyna, jeńiske degen jigerligine rıza ekenin chempıonat kezinde birneshe ret baıqap qal­dyq. Chempıo­nat­tyń ashylý sal­tanatynan keıin ataq­ty boksshy­ny jarys týraly áńgimege tar­typ kórgen­biz. Sonda Ermahan Ybyraıymov osy álemdik báse­kede balalary­myzdyń birneshe altyn júldeni alyp beretinine sendirgen. Degenmen, bizben ıyq teńestirip básekelesetin koman­da­lardyń da bar ekenin jasyr­ma­ǵan. Chempıo­nattyń alǵashqy aıqastaryna qarap otyrsaq, shy­nymen de Kýba bolmasa da birneshe eldiń altyn júldeni kóptep julyp alatyndaryn baıqatqa­nyn kórý­ge bolady. Mysaly, ala taqııaly aǵaıyndardyń ózi Astanadan bos qaıtpaıtyndaryn keshegi aıqas­tarda kórsetip berdi. Sol sııaqty Reseı, Ýkraına, Ázerbaıjan boks­­shylary da bas júldege dá­meli ekenderin baı­qatyp otyr. Qazir chempıonattyń úsh kú­nin­de tosyn oqıǵalar bolmasa da, boksshylardyń jekpe-jekteri qy­zyq­ty jáne tartysty ótý­de. My­saly, senbi kúni Ázer­baı­jan men Armenııa boksshylary ózara kezdesip, sharshy alańnyń shańyn biraz qaqty. Osy kúngi eki kórshiles eldiń arasyndaǵy jekpe-jek jan­kúıerler eń qy­zyǵa tamashalaǵan aıqas bol­ǵany sózsiz. Bul ekeýiniń kezdesýi 48 kılo salmaq dáreje­sin­de ótti. Armenııa jaǵynan shar­shy alańǵa Erık Petrosıan, al Ázerbaıjan quramasynan Masýd Iýsıfzade qolǵap túıistirdi. Osy synda Kavkaz elderiniń jankúıer­leri týlaryn jalaýlatyp, óz ana tilderinde bir-birimen aıtysyp, tartysqanyna da kýá boldyq. Bi­raq jankúıerler sol kezdesýde ózderin ustap, qyzýqandy minezderin kórsetkenimen, jarys qoja­ıyn­daryna qurmet retinde sóz talastyrýdan aryǵa barmaı, tarap ketti. Al kezdesýdiń ózi Armenııa boksshysynyń paıdasyna sheshildi. Armıandardyń Erık Petrosıan degen balasy jekpe-jekte saýatty qorǵana júrip, qarsy­lasyna dál soqqylar darytyp, upaı sany bo­ıynsha jeńisti julyp áketti. Endi kelesi kezeńde qos eldiń boks­shy­la­ry ta­ǵy da kezdesip jatsa, ázer­baı­jan­dar keshegi jibergen eseni qaıta­rý­ǵa tyrysatyny sózsiz. Bul synǵa Ázerbaıjan 17 balasyn qa­tys­ty­ryp otyr. Al Armenııa biz­diń el sııaqty 13 boksshysyn ákeldi. Qazir júldeli oryndardy adam­nyń sany emes, sapasymen je­ńip alýǵa bolatynyn barlyq jarystardan kórip júrmiz. Bul jaǵdaıdy ótken álem chem­pıo­nat­tary da kórsetip bergen. Mysa­ly, 2009 jyly Erevanda jasós­pirim­der arasyndaǵy álem­dik báse­ke al­ǵash ret Halyqara­lyq boks qaýym­dastyǵynyń aıasynda ótkizilgende 47 elden kelgen 283 boksshynyń ishinde Eýropa, Azııa quramalary­nyń júldege ábden laıyq bala­laryn kóptep kezdestirgen edik. Sonyń ishinde Armenııa óz ala­ńyn­da tuńǵysh ret jalpy koman­dalyq esepte qola júldege ıe bolǵa­nyn bilemiz. Al bas júldeni Reseı, kúmis júlde­ni Kýba boks­shylary qanjyǵa­syna baılap ketken bolatyn. Sol synda biz­diń boksshylar toǵy­zyn­shy oryn alyp, júldesiz qaıtqany esimizde. Jalpy, Qazaqstan quramasy álem chempıonaty ótkizile basta­ǵan 2001 jyldan beri 8 altyn, 8 kúmis jáne 18 qola júlde jınap úlger­genin aıtý kerek. Biz júl­deler sany boıynsha Reseı men Ýkraınadan keıin úshinshi oryn­da kelemiz. Dastan KENJALIN.