«Eır Astana» úzdikter qatarynda

«Eır Astana» ulttyq áýe tasy­maldaýshysy ótken jyldyń osy kezeńimen salystyrǵanda otyn­nyń 35 paıyzǵa qymbat­ta­ýyna qara­mastan bıylǵy jyldyń al­ǵashqy jartyjyldyǵynda jo­ǵary kórsetkishke qol jetkizdi. Avıakerosın óndiristik qyzmet shyǵyn­darynyń jalpy kóleminiń 25 paıyzyn quraıdy jáne shy­ǵyn­dardyń eń iri salasy bolyp tabylady. О́tken jyldyń osy ýaqytymen salystyrǵanda, tasy­mal­danǵan jolaýshylar sany 18,7 paıyzǵa ósti jáne 1355113 jo­laýshyny qurady. Ústimizdegi jy­ly áýe kompanııasy alty «Em­braer 190» aımaqtyq ushaǵynyń alǵashqy ekeýin aldy jáne Or­talyq Azııa qalalaryna ushý jıiligin kóbeıtti. Sonymen «Eır Astana» Reseı­diń Samara qalasyna, Grýzııa as­tanasy Tbılısıge jańa reıster ashty jáne osy jyldyń sońynda Gonkongke reıs ashýdy josparlap otyr. Áýe kompanııasy uzaq merzimdi operasııalyq lızıngke alyn­ǵan 24 ushaqqa ıe, sonymen qatar 2012 jyly jetkiziletin segiz áýe kemelerin satyp aldy (6 avıalaıner «Eırbas 320», 2 avıalaıner «Embraer 190»). Jaqyn arada Qa­zaqstan azamattyq avıasııasy­nyń kóshbasshysy jańa alys magıstraldik ushaqtaryn satyp alý boıynsha kelisim-shartty jasaýdy josparlap otyr. Barlyq áýe ke­meleriniń satyp alynýy memleket nemese aksıonerler tarapynan sýb­­sıdııalardy tartýsyz ıaǵnı áýe­kompanııanyń óziniń qarajaty ese­binen júzege asyrylady. Jýyrda «Eır Astana» áýe kom­panııalary qyzmetiniń sapasyn zertteýmen aınalysatyn Skytrax jetekshi dúnıejúzilik táýelsiz agenttiginiń saýalnamasy bo­ıyn­sha «Shyǵys Eýropadaǵy úzdik áýe kom­panııasy» nomınasııasynda 2-shi orynǵa ıe boldy. Áýe tasy­maldaýshy «Boıng 757» tobynyń ushaqtaryndaǵy bıznes-klass sa­lo­nyn­da jatyn kreslolardy or­nat­ty jáne ústimizdegi jyly «Boıng 767» ushaqtarynda da osyndaı kreslolardy qurýǵa kiristi. Áýe tasymaldaýshy (IOSA) operasııa­lyq qaýipsizdigi boıynsha aýdıti eshbir eskertýsiz ótti.  Avıa­sııa­lyq qaýipsizdik jónin­degi eýro­palyq agenttiktiń (EASA) teh­nıkalyq qyzmet kórse­týge ar­nalǵan lısenzııasy Birikken Ko­rol­diginiń azamattyq avıa­sııa­synyń organdarymen uzartyl­dy. Budan basqa, Ortalyq Azııa­daǵy alǵashqy bolyp tabylatyn  Al­matydaǵy jańa óndiristik seh ta EASA lısenzııasyn aldy. Ja­qyn ýaqytta bul keshen áýekom­panııaǵa «Eırbas A 320» tobynyń ushaq­taryna kúrdeli tehnıkalyq qyzmet kórsetýin (S sheck dep ata­­latyn) bastaýǵa jaǵdaı týǵy­zady. Budan basqa ulttyq áýe­tasymaldaýshy Florıda shtatyn­daǵy Tehnologııalar ınstı­tý­tyn­da qazaqstandyq pılottardyń oqýyn jáne sonymen qatar, Ulybrıtanııa jáne Sol­tústik Irlandııa Birikken Koroldigindegi Brıstoldik ýnıversıtetinde qa­zaq­standyq ınjenerlerdiń oqýyn jalǵastyryp keledi. Baqyt BALǴARINA, Almaty.