QazUAÝ oqytýshylary men stýdentteri ǵana emes elimizdiń ár aımaǵynan kelgen jastar, birqatar zııaly qaýym ókilderi at salysqan keshke aqynnyń ózi de qatysty.
Qazaq ulttyq agrarlyq ýnıversıtetinde 2004 jyldan beri «Oljas Súleımenov atyndaǵy Áleýmettik-gýmanıtarlyq bilim berý jáne tárbıe ınstıtýty» jumys istep keledi. Osynda oqıtyn stýdenttermen jıi kezdesip, ártúrli sharalarǵa qatysyp turatyn Oljas Omarulynyń ádebıet pen mádenıet, rýhanııat pen beıbitshilik máselesi, elimizdiń ekologııalyq problemalary jáne joǵary oqý oryndarynyń halyqaralyq bilim keńistigine kirýi tóńiregindegi paıymdaýlary bylaıǵy jurt úshin qol jete bermeıtin dúnıe ekeni anyq.
Oljas Súleımenov óziniń atyndaǵy murajaıdy aralap, jınalǵan, qurmet kórsetken jastar men ýnıversıtet ujymyna alǵys bildirdi. Aıta ketý kerek, 19-21 mamyr aralyǵynda ýnıversıtettiń úlken sport kesheninde voleıbol sporty ardagerleri arasynda dástúrli «Oljas Súleımenov júldesi» týrnıri ótedi. Aqynnyń ózi de oınaıtyn bul jarysqa О́zbekstan, Qyrǵyzstan elderiniń komandalarymen qatar Taraz, Taldyqorǵan, Shymkent, Qyzylorda qalalary, Eýrazııa tehnologııalyq ýnıversıteti men Qazaq ulttyq agrarlyq ýnıversıtetiniń komandalary qatysady.
Almas NÚSIP,
«Egemen Qazaqstan»
