Mekeme ınjeneri Mıhaıl Charlın beton óndirýdiń barlyq úderisi avtomattandyrylǵanyn aıtady. О́nim daıyndaý ázirlemeleri kompıýter jadyna quıylǵan. Qazirgi zamanǵy tehnologııalardy paıdalaný arqyly arnaıy qaldyqtardy basqarýǵa da bolady eken. Sonyń nátıjesinde qaıta paıdalanýǵa bolatyn tehnıkalyq sý men qum-qıyrshyq tas qosyndysy alynady. Qazir beton zaýyty alǵashqy tapsyrystaryn qabyldaı bastady.
«Bul zaýyt «Teńiz» ken ornyn keńeıtý jumystary úshin salyndy. Qurylys jumystaryna 500 adam qatysty. Zaýytta 30 ınjener qyzmet isteıdi. Aldaǵy ýaqytta jumysshylar sany kóbeıedi» - deıdi «Neftestroıservıs LTD» JShS-niń menedjeri Ámına Aqdrasheva. Kompanııa zaýyttan bólek eki sý rezervýaryn, beton sapasy men quramyn tekseretin zerthana jáne jumysshylarǵa arnalǵan ashana men keńse ǵımaratyn salýdy josparlap otyr.
Kenishtegi jańa zaýyttyń ashylý saltanatyna qatysqan «Teńizshevroıl» JShS keleshek keńeıý jobasynyń bas menedjeri Djım De Maıo seriktestik jumysyna tabys tiledi.
Baqytgúl BABASh,
«Egemen Qazaqstan»
