Almaty qalasynyń ákimi Baýyrjan Baıbek Naýryzbaı aýdanyn damytý jónindegi ótkizgen kóshpeli jıynda qala qyzmetteriniń nazaryn aýdandaǵy salynyp jatqan joldardyń, ınjenerlik jáne kommýnaldyq jelilerdiń barynsha sapaly bolýyna erekshe nazar aýdardy Aýdan turǵyndaryn aýyzsýmen qamtamasyz etýge oraı 1 07,5 km qubyr jelisi tartylyp, Aqsaı, Qarǵaly stansııalarynda kúrdeli sý tazartqysh salý josparlanǵan. Qurylys aıaqtalǵan tusta aýdandaǵy Taýsamaly, Taýjoly, Shuǵyla, Tastybulaq, Aqjar, Quramys, Qarǵaly, Qaraǵaıly, Jaılaý yqsham aýdandary qalanyń ortalyqtandyrylǵan sý júıesine qosylady.
Qazir aýdanda Abaı dańǵyly men Áýezov kóshesinen Qalqaman yqsham aýdanynyń qala shekarasyna deıingi aralyǵynda metroǵa qajetti úńgileý, Jandosov kóshesiniń Saıyn kóshesi men Taýsamaly poselkesine deıin aýmaǵynda kúrdeli jol jóndeý jumystary júrýde. Kóshelerdiń qozǵalys bóligi tórt jolaqqa keńeıdi. Qarǵaly ózeniniń ústindegi sel bolyp, sý tasyǵanda (2015 jyl) shamasy shektelgen kópir qaıta jasalýda, jańadan velojoldar men trotýarlar salynýda.
Bir sózben aıtqanda, qurylysshylar qaýymy Naýryzbaı aýdanynyń qurylýynyń 3 jyldyǵyna – 2017 jyldyń 2 shildesine deıin jospardaǵy barlyq is-sharalardy tolyǵymen júzege asyrý úshin at salysýda.
Talǵat SÚIINBAI,
«Egemen Qazaqstan»
