Osymen on úshinshi ret ótkizilip otyrǵan otandyq PR-salanyń osynaý iri oqıǵasy aıasynda eki kún qatarynan Qazaqstandaǵy jáne álemdegi kommýnıkasııalyq ındýstrııa trendteri, máseleleri men mindetteri ortaǵa salynady.
Dástúrli forýmǵa ádettegideı elimizdiń PR-salasynyń jetekshi mamandary, memlekettik jáne bıznes-qurylymdardyń top-menedjerleri, marketologtar, jýrnalıster qatysady. Pikir almasady, jańa jarnama berýshilerin tabady, myqty PR-shylarmen dıdarlasady.
Búgin bastalǵan Forým sońǵy álemdik trendter men halyqaralyq PR-naryqtyń syn-tegeýrinderine, el men bıznestiń bet-beınesi men abyroı-ataǵyn basqarý máselelerine, halyqaralyq brendterdiń jahandanýy men lokalızasııasyna, jergilikti erekshelikterge qaraı ilgerileýdiń tıimdi quraldaryna arnalmaq.
Qazir naryqtyń jetekshi mamandary qoǵamdyq kampanııalar, zertteýlerdi uıymdastyrý, áleýmettik jelilerdegi jumys erekshelikteri máselelerin ortaǵa salyp, ótken jyly PR-ortada jáne odan tys ta keńinen tanymal bolǵan PR-keısterdi qarastyrýda. Bul jyly PR-forýmǵa ICCO prezıdenti Maksım Behar qonaq bolyp, PR naryqtyń halyqaralyq trendteri týrasynda áńgime qozǵaıdy.
«Bul jyly forým taqyryby azdap qorqynysh shaqyratyndaı kórinýi de múmkin. Kibise jyl – PR salasy úshin synaqqa toly boldy, - deıdi PG 2 Communications basqarýshy seriktesi, PR-shy Klýbynyń ortaq quryltaıshysy jáne QR QBUQ Keńesiniń Tóraıymy Ásel Qaraýylova.
– Jyl tek kúntizbek boıynsha ǵana emes, naryq úshin de kúrdeli bolyp shyqty. PR-bıýdjetterdi qysqartýdan bólek, biz PR jáne daǵdarystardy basqarý salalarynda jetkilikti túrde oılastyrylmaǵan jumystyń nátıjesi bolǵan kommýnıkasııalyq «sátsizdikterdiń» edáýir jaǵdaılarynyń kýási boldyq. Jalpy, bizdiń sala birshama «daýyldy jaǵdaıdy» bastan ótkerip jatyr, jáne Forým sarapshylary ony turaqtandyrý boıynsha ózderiniń kásibı usynystaryn alǵa tartady».
Forýmnyń ashylý saltanatynda PR-shy Klýbynyń prezıdenti Aıda Dosaeva: «Bizdiń Klýb PR-Forýmdy osymen on úshinshi ret qatarynan uıymdastyryp jatyr, ol kommýnıkasııalar salasyndaǵy eń negizgi jáne asyǵa kútetin ýaqıǵaǵa aınaldy. Búgingi tańda PR-shy Klýby Almaty men Astanada belsendi túrde qyzmet ete otyryp, kásibı naryqty damytýda jáne salanyń standarttaryn túzýde», - dedi
Bıylǵy Forýmnyń mańyzdy taqyryptary qataryna jelidegi daǵdarysty basqarý, kompanııalardaǵy PR men NR ózara yqpaldastyǵy, mádenıet salasyndaǵy kommýnıkasııalar, jańalyq kontentin qurý, vırýsty kontent, jelidegi trollıng jáne kóptegen basqa da máseleler kiredi.
Bıyl alǵash ret GR – government relations taqyryby barynsha tolyq ashylyp kórsetilmek. Sarapshylar bul taqyrypty tústen keıin, Qazaqstandaǵy qalaı qabyldanatyny men ereksheligin talqyǵa salady. Pıarshylar úshin psıhologııalyq laıfhaktar usynylady. Bul óz brendimen tolyq ıntegrasııalanǵandar úshin asa paıdaly. Kásibı psıholog asa joǵary psıhologııalyq júkti qalaı jeńildetýge bolatyny týrasynda tájirıbelik keńesterin beredi.
Jyl saıyn ótetin is-sharany – Qazaqstan Respýblıkasynyń qoǵammen baılanys jónindegi Ulttyq Qaýymdastyq (QR QBUQ) men ICCO (International Communication Consultancy Organization) qoldaýymen qazaqstandyq PR-3 kásipqoılarynyń beıresmı Klýby «PR-shy», PG Communications agenttigi turaqty túrde uıymdastyryp keledi.
Aınash ESALI,
«Egemen Qazaqstan».
ALMATY
