Alǵashqy raýndtan shıraq qımyldap, joıqyn soqqylaryn dóp tıgizgen jerlesimizdiń basymdyǵy birden baıqaldy. Kúshin únemdep, meılinshe artyq qımyl-qozǵalystarǵa boı aldyrmaǵan Armannyń joǵary sheberligi kózge uryp turdy. Degenmen, buǵan deıin nokaýtpen jeńilip kórmegen japon sportshysy tabandylyq tanytyp, sáti túsken sátte qarsy shabýyldaryn jasap baqty.
Qazaqstandyq sportshy ekinshi raýndta da qarsylasyna qysym kórsetýin toqtatpady. Shabýylyn údete bergen ol buryshqa taqalǵan japondyqty aınalyp teýip, nokaýtqa túsirdi.
Aıta keteıik, Arman Ospanov jaýyngerlik sambodan úsh dúrkin álem chempıony. Buǵan deıin aralas jekpe-jekten MMA týrnırinde 7 kezdesý ótkizip, barlyǵynda jeńiske jetken, 5-eýin merziminen buryn aıaqtaǵan. Bıyl qazaqstandyq ACB lıgasymen 4 jekpe-jekke kelisimshart jasasyp, sonyń alǵashqysynda jeńiske jetip otyr.
