Sokolov-Sarybaı ken baıytý óndiristik birlestiginiń jylý – energetıkalyq ortalyǵynda bolǵan jarylystan eki adam oqıǵa ornynda ajal qushty, úsh jumysshyǵa medısınalyq kómek kórsetilýde. Apat jylý-energetıkalyq ortalyqtyń №1 qazandyq sehyndaǵy redýktorlyq-salqyndatý qondyrǵysynyń tómengi bóligindegi jarylystan bolǵan.
Nátıjesinde atqylaǵan bý kúsh alyp ketip, ákimshilik jáne turmystyq ǵımaratqa ótken. Ondaǵy jylý-energetıkalyq ortalyǵy men qaraǵandylyq týrbo-mehanıkalyq zaýyty jumysshylary turǵan jerge deıin jaıylǵan. Ystyq býdyń qursaýynda qalǵan jumysshylar túrli deńgeıde jaraqat alǵan.
Oqıǵa ornyna «SSKО́B» AQ qarasty Fabrıkanyń órt sóndirý qyzmetkerleri, Rýdnyıdaǵy áskerılendirilgen taý-ken qutqarý komandasy shaqyrylǵan. Mamandar JEO men QTMZ jumysshylaryn qaýipti aımaqtan alyp shyqty. Qazir oqıǵa ornynda apattyń saldaryn tekserý jumystary júrgizilýde.
«SSKО́B» AQ, Eýrazııalyq Top basshylary JEO-nyń qaza tapqan keńse sypyrýshylary B.K.Bazarbaeva men S.V.Sherbakovanyń otbasy men jaqyndaryna kóńil aıtty. Kompanııa tarapynan marqumdardyń otbasy aldyndaǵy barlyq mindettemeler zań boıynsha oryndalatyn bolady.
Názıra Járimbetova, «Egemen Qazaqstan».
Sońǵy jańalyqtar
Balýandar Medvedtiń memorıalynan 14 medalmen oraldy
Kúres • Búgin, 00:34
Qamystydaǵy sport keshenine balýannyń esimi berilse...
Sport • Búgin, 00:20
Qaıym Muhamedhanovtyń týǵanyna 110 jyl tolýyna oraı halyqaralyq sımpozıým ótti
Qoǵam • Búgin, 00:15
Project Silica: Aqparatty 10 myń jyl saqtaıtyn shyny
Qoǵam • Keshe
Qoǵam • Keshe
Astanada bir qabatty avtoservıstiń ǵımaratynan órt shyqty
Elorda • Keshe
Atyraý qalasyn shańdy daýyl basyp tur
Aımaqtar • Keshe
