Stoılov: «Iаng Boızǵa» qarsy tyńǵylyqty daıyndaldyq

«Astana» komandasynyń bas jattyqtyrýshysy Stanımır Stoılov klýbtyń resmı saıtynda Shveısarııanyń «Iаng Boız» klýbyna qarsy oıyn jaıly óz pikirin bildirdi. Jyldyń sońǵy oıyny bolsa da tek jeńisti ǵana maqsat etken Stoılov: «Qazaqstan chempıonaty aıaqtalǵandyqtan biz dál osy kezdesýge tyńǵylyqty daıyndaldyq. Bıylǵy maýsymda biz ózderińiz biletindeı tek altyndarmen aıaqtadyq. Al endi jyldyń sońǵy oıynyn Shveısarııada sátti aıaqtaýdy josparlap otyrmyz. Bul matchtyń bizge eshqandaı paıda ápermeıtindigine qaramastan, oıynshylarymnyń kásibıligine senim artyp otyrmyn», – dedi. Osy rette bapker shveısarııalyq komandanyń negizgi quramynda oınaıtyn alty birdeı fýtbolshynyń jaraqat alýyna qatysty da óz oıyn bildirgen. Bul týraly: «Iаng Boızdyń» mańyzdy oıynshylary jeterlik. Alańǵa shyǵa almaıtyndaryn qosalqy quramdaǵylary almastyrady dep oılaımyn», – dedi Stoılov. О́zderińiz biletindeı, tek shveısar komandasynyń ǵana emes, «Astananyń» da jaraqat alǵan fýtbolshylary bar. «Kapıtanymyz Tańat Nóserbaev kele almady. Ol jaqyn kúnderi kózine ota jasatýy tıis. Sonymen qatar, jaraqatynan tolyq aıyqpaǵan Agım Ibragım de tizimge enbedi», – dedi jattyqtyrýshy. Osy ýaqytqa deıin «Iаng Boız» jattyqtyrýshysy Adı Hıýtter shabýylǵa kóbirek kóńil bóletinin aıtqan. Bul kezdesýge siz neni josparladyńyz degen suraqqa:  "Biz de kez kelgen komanda sııaqty jeńiske jetkizimiz keledi. Bul matchta qandaı nátıje tirkelse de pleı-off kezeńine óte almaıtynymyz belegili, áıtse de ÝEFA reıtınginde mańyzdy upaılarǵa qol jetkize alamyz. Bul keler jylǵy jerebede bizge septigin tıgizeri anyq", – dep qorytyndylady bolgarııalyq maman. Aıta keteıik, Eýropa lıgasynyń B tobyndaǵy sońǵy oıyn jeltoqsannyń 8-nen 9-na qaraǵan túni Shveısarııanyń Bern qalasynda ótedi. Qos komanda da pleı-off kezeńine joldama alatyn múmkindikterinen aıyrylǵan.