Elimizde 610 myń ga sýarmaly jer aınalymǵa túsedi

Búgin Ortalyq kommýnıkasııalar qyzmetinde Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy aıasynda 610 myń gektar sýarmaly jerdi aınalymǵa túsirý men jer qatynastaryn jetildirýge arnalǵan baspasóz konferensııasy bolyp ótti. Oǵan Aýyl sharýashylyǵy mınıstrligi Sý resýrstary komıtetiniń tóraǵasy Islam Ábishev pen «Qazsýshar» RMK dırektorynyń orynbasary Erık Iаkýbaev qatysty. «Aldaǵy 5 jylda 610 myń gektar aýmaqtaǵy turaqty sýǵarylatyn jerdiń ırrıgasııalyq júıesin qalpyna keltirý josparlanýda. Atap aıtqanda, Almaty oblysynda – 127 myń, OQO – 99 myń, ShQO – 92 myń, Jambyl oblysy – 86 myń, BQO – 40 myń, Pavlodar oblysy – 30 myń, Aqtóbe oblysy – 29 myń, Qyzylorda oblysy – 29 myń, Qaraǵandy oblysy – 28 myń, SQO – 28 myń jáne Atyraý oblysy – 22 myń gektar», – dedi Islam Ábishev. Sonymen birge, onyń aıtýynsha, memlekettik baǵdarlama aıasynda 368 myń gektar aýmaqtaǵy kóldetip sýarý jerin qalpyna keltirý josparlanyp otyr. Atap aıtqanda, Batys Qazaqstan oblysynda 163 myń, Shyǵys Qazaqstanda 56 myń, Aqmola oblysynda 44 myń, Aqtóbe oblysy – 41myń, Atyraý oblysy – 36 myń, Pavlodar oblysy – 24 myń jáne Qaraǵandy oblysy – 4 myń gektar. Budan basqa, eskirgen kollektorlyq-drenajdyq jelilerdi qalpyna keltirý josparlanýda. Onyń jalpy uzyndyǵy 13,2 myń shaqyrym, vertıkaldy-drenajdy sańylaý 955 dana bolady. Dastan KENJALIN