Pavlodarda shybyn-shirkeıge qarsy kúreske 602 mln teńge bólinedi

Kelesi jyly oblysta shybyn-shirkeımen kúreske bólinetin qarajat quny tórt ese óspek, dep habarlady pavlodarnews.kz. Bul týraly jýrnalıstermen beıresmı kezdesý barysynda oblys ákimi Bolat Baqaýov málimdedi. «Bıyl shybyn-shirkeılerge qarsy kúreske 143 mıllıon teńge bólinse, 2017 jyly 602 mıllıon teńge bólýdi josparlap otyrmyz. Osylaısha, EKSPO kórmesi ótetin jyly óńirde jándikterdiń bul túri kúrt azaımaq. Atalmysh jumyspen aınalysatyn merdigerlerdi aldyn ala belgileıtin bolamyz. Negizi, bul konkýrsty qarasha-jeltoqsan aılarynda ótse dep oıladym, biraq merzimi biraz shegerildi. Zerthanalar da erterek oblystaǵy jaǵdaı boıynsha eskertý jasaıdy. Bizdiń óńir úshin bul óte mańyzdy. Pavlodar oblysyna týrısterdi tartý kerek jáne osy máselede eshnárse kedergi bolmaý kerek. Aıta keteıik, bıyl Ertis ózeniniń tasýy sońǵy 15 jylda rekordtyq kórsetkishke jetken bolatyn. Sonyń saldarynan pavlodarlyqtar eki márte shybyn-shirkeıdiń astynda qaldy. Kóktemde ózenge 19 tonna «Baktısıt» bıologııalyq dári-dármegi quıyldy. Alaıda, bul dáriniń oblysta shybyn-shirkeıdiń sanyn azaıtýǵa septigi bolmady.