9 jeloqsanǵa arnalǵan aýa raıy

Búgin Qazaqstannyń basym bóliginde atmosferalyq aǵymdardyń ótýine baılanysty jaýyn-shashyn saqtalady. Kóbine qar, ońtústikte, ońtústik-shyǵysta, shyǵystyń keı jerlerinde qatty qar jaýady, keı jerlerde tuman, kóktaıǵaq, burqasyn bolyp, jel kúsheıedi dep habarlaıdy elimizdiń tótenshe jaǵdaılar qyzmetiniń resmı saıty. Aqmola, Pavlodar oblystarynda burqasyn bolyp, jel 15-20, keı jerlerde 25 m/s kúsheıedi. Qostanaı, Aqtóbe, Batys Qazaqstan, Soltústik Qazaqstan oblystarynyń keı jerlerinde burqasyn bolyp, jeldiń kúshi 15-20 m/s kúsheıedi. Shyǵys Qazaqstan oblysynyń keı jerlerinde burqasyn, tuman, kóktaıǵaq bolyp, jel 15-20, ekpini 23-28 m/s deıin jetedi. Qaraǵandy oblysynyń keı jerlerinde burqasyn, tuman bolyp, jel 15-20 m/s deıin kúsheıedi. Jambyl, Ońtústik Qazaqstan, Qyzylorda oblystarynyń keı jerlerinde tuman, kóktaıǵaq, jel burqasynmen jeldiń kúshi 15-25 m/s deıin kúsheıedi. Mańǵystaý oblysynyń keı jerlerinde tuman, kóktaıǵaq, jel 15-20 m/s deıin kúsheıedi. Atyraý oblysynyń keı jerlerinde burqasyn, kóktaıǵaq bolyp, jeldiń kúshi 15-20 m/s jetedi. Almaty oblysynyń keı jerlerinde tuman, jel 17-22, ekpini 25 m/s kúsheıedi.