Kóp kóńilinen shyqqan aýqymdy aksııa

«Táýelsiz Qazaqstan» poıyzy Almaty oblysyndaǵy Úshtóbe temir jol beketine ertelete jetti. Kóp adam qatysqan temir jol beketindegi jıyndy Qaratal aýdanynyń ákimi Qaırat Bısembaev ashyp, táýelsiz elimizdiń búgini týraly sóz qozǵady. – Úgit poıyzynyń qasıetti Qaratal jerine kelip, elimizdiń rýhyn janyp, bolashaqqa senimimizdi arttyrǵanyna al­ǵysymyz sheksiz. Munda barlyǵy 43 etnos ókili eńbek etip, tatý-tátti tirlik keship otyr – dedi ákim. Qazaqstan halqy Assambleıasynyń uıytqy bolýymen uıymdastyrylǵan osy­naý respýblıkalyq aksııanyń jan-jaqty oılastyrylǵandyǵy sol, áleý­met­tik is-sharalardy tolyq atqarýǵa salalyq ma­man­dardyń ýaqyttary molynan jetti. Qazaqstan halqy Assambleıasy Ǵy­ly­mı-sarapshylyq keńesiniń jáne etno­má­denı birlestikterdiń ókilderimen kez­­desýge 150 adam qatysty. «Táýelsiz Qa­zaqstan» poıyzymen kelgen kásibı maman­dar­dyń bir toby Úshtóbe qalasyndaǵy ba­lalardy ońaltý ortalyǵynda bolyp, onyń jumysymen tanysty. Taǵy bir basa aıtar dúnıe – Qoǵamdyq kelisim keńesiniń jáne «Nur Otan» par­tııasynyń Qoǵamdyq qabyldaýyna 12 adam kelip, keńes aldy. Olar kókeılerindegi kóp máselege jaýap alǵandaryn  aıtty. Áleýmettik máseleler boıynsha áń­gime qozǵaıtyn bolsaq, zeınetkerler barǵa qanaǵat tutatyndaryn, eń bastysy eldiń tynyshtyǵy ekenin alǵa tartyp jatty. Al Ádilet mınıstrliginiń zańgerleri quqyqtyq kómek kórsetý jáne zań máseleleri boıynsha 31 azamatqa kon­­sýltatıvtik keńes berdi. Aýyl sha­rýashylyǵy, Investısııalar jáne damý mı­nıstrlikteriniń, Ulttyq kásipkerler palatasynyń ókilderi qatysqan basqosýǵa ká­sipkerlik jáne aýyl sharýashylyǵy máseleleri boıynsha 33 turǵyn kelip, ke­ńes aldy. «Táýelsiz Qazaqstan» poıyzyn kópten kútip júrgenderge Densaýlyq saqtaý jáne áleýmettik damý mınıstrligi ókilderiniń qatysýymen konsýltatıvtik keńes beril­di. Barlyǵy 336 adam keńes alsa, olardyń 55-i balalar boldy. Bul rette, Astana jáne Almaty qalalaryndaǵy medısınalyq ortalyqtarǵa 16 adam jiberiletindigin jáne úılerinde dárigerlik kómekti 25 naýqastyń alǵanyn da atap ótken abzal. Bilim jáne ǵylym mınıstrliginiń uıym­dastyrýymen aýdannyń úzdik muǵa­limderimen, bilim berý uıymdarynyń bas­shylarymen kezdesýge 140 jáne qa­byldaýǵa 28 adam kelgenin de aıta keteıik. Qoryta aıtqanda, bul kúni barlyq is-sharaǵa 2000-nan asa adam qamtyldy. Árıne, halyq razy. Sebebi, oblys orta­ly­ǵynyń irgesinde ornalasqanymen, der kezinde dárigerlik kómek alý da ýa­qytty talap etedi. Al búgin aýdan orta­ly­ǵyna kásibı mamandardyń júzdep kelip, kóńilder kiltin tapqany qýantty. Sol qýanyshtaryn bir-birimen bólisken úshtóbelikter bir jasap qaldy. Rıza halyq «áp, bárekeldi» dep alǵystaryn aǵyta «Táýelsiz Qazaqstan» poıyzyn shattyqpen shyǵaryp saldy. Nurbol ÁLDIBAEV, «Egemen Qazaqstan» Almaty oblysy, Qaratal aýdany