Sońǵy beket

«Táýelsiz Qazaqstan» poıyzy Almatyda óziniń saparyn aıaqtady Ulan-baıtaq dalamyzdyń ózenderi men kólderin kesip ótip, óńirleri men eldi mekenderin sharlaǵan «Táýelsiz Qazaqstan» poıyzy Almatyǵa kelip tumsyq tiredi. Almaty – 45 kúnge sozylǵan saıahattyń sońǵy stansasy bolatyn. Osynaý uzaq ta mazmundy sapardyń jolaýshylary ne bitirdi? El ómirinen ne kórdi? Áleýmetke qandaı paıda, keńesi tıdi? Bul týraly bilgisi kelgen BAQ ókilderi kóp edi. Biz «Táýelsiz Qazaqstan» poı­yz­yn sársenbiniń sátti kúni tań­er­teńgilik «Almaty-2» temir­ jol vokzalynan sán-saltanatymen kútip aldyq. Batystan Shyǵysqa, Shyǵystan Batysqa aǵylyp jatqan poıyzdardan bul poıyz­dyń túri de bólek, amanaty da basqa bolyp kórindi. Júıtkip kelip toqtaǵan poıyz­­- ǵa Almaty jastary jalaýlatyp qoshemet bildirip, orkestr oınap, aq kımeshekti ájeler shashý­yn ala umtyldy. Osydan keıin yǵy-jyǵy kópshilik birden ornyn taýyp, Qazaqstan halqy Assam­bleıasy Tóraǵasynyń ory­n­­basary Eraly Toǵjanov vok­­zaldy dýmanǵa bóle­gen ha­lyqty sapardyń qory­tyn­­dy­laýy­men quttyqtady. «Táý­elsiz Qazaqstan» poıyzynyń tyn­­dyrǵan tirlikterin saralady. Osy sharaǵa bir kisideı jumylǵan mı­­nı­strlikter men jergilikti bı­lik ókilderine, Qazaqstan temir ­jo­l­y­na alǵysyn bildirdi. Eraly Toǵjanovtyń aıtýynsha, osy úlken saparda 100 mıllıon teńge kóleminde naqty áleýmettik kómek kórsetilgen. Bul poıyzdyń medısınalyq qyzmetkerleri Almaty oblysynda náresteniń dú­nıe­ge kelýine kómektesip, kin­dig­in kesken. – «Eń bastysy, «Táýelsiz Qazaq­stan»­ poıyzy Elbasy Nursultan Nazarbaevtyń sálemin elge jetkizdi. Poıyzdaǵy sha­ra­lar­ǵa qatysqan azamattar bú­gin Táýelsizdiktiń altyn besigi Alma­tyǵa kelip, jumy­syn aıaqtap otyr. Poıyzda 12 mınıstr­liktiń óki­li boldy. Olar árbir úsh kún saıyn aýysyp otyrdy. Jınaqtap aıt­qanda, bir aıdan astam ýaqyt ishinde 300 maman jumys istedi. Poıyz negizgi mindetin atqa­ryp shyq­ty. Shalǵaıdaǵy aǵaıyn­nyń keıbir máselelerin sol orynda bilik­ti mamandar sheship berdi. Basty merekemiz – Táýelsizdik kúni ja­qyndap qaldy. Elimizdi osy uly me­re­kemen quttyqtaımyz! Úlken sapardan oralǵan azamattarǵa alǵysymyzdy aıtamyz. Eger Qazaqstan alyp poıyz bolsa, onda barshamyz sol «Qazaqstan» degen poıyzdyń jolaýshylarymyz», – dedi Eraly Toǵjanov. Bul poıyzdy kútkenderdiń arasynda Qazaqstan halqy Assam­bleıa­synyń ókilderi de bar edi. Soń­ǵy stansadaǵy saltanattyń sánin asyrǵan da osy san ulttyń kıimin kıgen otandastarymyz bol­dy. Al Almaty qalasy ákiminiń oryn­­basary Arman Qyryqbaı 45 kún boıy attan túspegendeı toq­taýsyz júıtkigen Táýelsizdik poıyz­y­nyń jolaýshylaryn 1000 jyl­d­yq tarıhy bar shaharǵa aman-esen jetýimen quttyqtady. Kezegimen sóz alǵan «Táý­el­­siz Qazaqstan» arnaıy poıyz shtab­ynyń jetekshisi Ámir­­jan Álpeıisov: «Bul poıyz El­basynyń tapsyrmasymen Qazaq­stan­ hal­­qy Assambleıasynyń uıym­das­­tyrýymen shyqqan bolatyn. 45 kúnniń ishinde biz 16 myń sh­a­qy­rym jer júrip, Elbasy­nyń qut­tyqtaýyn aýyl-aımaq, eldi mekenderge jetkizdik. Onda­ǵy aǵaıynnyń áleýmettik máse­le­le­riniń sheshilýine atsalystyq. Is-sharalarymyzǵa 100 myńnan ast­am adam qatysqan, onyń ishin­de 13 myńyna medısınalyq kómek, 12 myń adamnyń jeke bas máselelerin sheshýge, 77 myń adam­ǵa konsýltatıvtik kómek be­rip­, Elbasymyzdyń «Máńgilik El» ıdeıasyn, 25 jyl ishinde jet­ken jetistigimizdi elge jet­kizip, áńgime-dúken qurdyq. Biz áleý­met­tik máselelerdi sheshý barysynda uıyǵan halyqty kórdik», – dedi. Degenmen, Ámirjan Álpeıisov­­­tiń aıtýynsha, bul sa­par­­dyń jolaý­shylary sheshe alma­ǵan da jaıttar bolǵan. Ol kó­bi­nese zań­nama­lyq máselelerge qatysty bo­lyp kel­mek. Onyń ishinde múm­kindigi shek­teýli jandardyń ómirin je­ńil­de­týge qatysty ótinishter bar. Endigi jerde memlekettik deń­geıde sheshi­lýi tıisti máseleler Pre­zıdent ákim­shiligine jol­da­nady. Sheshimin kút­­ken bul jaıt­tar aldaǵy ýaqytta Parla­ment Májilisi otyrystarynda qa­ra­latyn bolady. «Táýelsiz Qazaqstan» poıyz­yna qatysýshylar ońtústik astanada birqatar josparly shara­larǵa qatysady dep kútilýde. Almatyda da atalmysh aksııaǵa qatysýshy mamandar halyqqa medısınalyq qyzmet kórsetip, mádenı sharalar qoıylymyn ótkizedi jáne kásipkerlikti qoldaý, aýyl sharýashylyǵy suraqtaryna qatysty keńes beredi. Eske sala keteıik, «Táýelsiz Qazaqstan poıyzy» 1 qarasha men 14 jeltoqsan aralyǵynda elimiz­diń 35 eldi mekeninde halyqpen kezd­esý ótkizdi. Bir jarym aı boıy jolda júr­­gen poıyz jolaýshylary qu­zy­retteri jetkenshe kómek sura­ǵan, keńes suraǵan halyqqa sol arada septigin tıgizip, saýap alýǵa umty­l­ǵandary qýantady. Arnaıy poıyzdy elimizdiń ár túkpirinde qulaǵdar bolyp, taǵatsyzdana kútken turǵyndar kóp bolǵan. Aıaqtary jetkenshe tilekterin aıtyp, oılasatyn sharýalardy ortaǵa salypty. Osylaısha, qasıetti paryz arqalaǵan bul poıyz shırek ǵa­syrda tyndyrylǵan tirlikti tur­laýly etý úshin tatýlyqtyń týyn túsirmeı, aýyzbirshilikti saq­taý­ǵa umtylǵan halqymyzdyń aman­­dyǵyn bilip qaıtty. Endi, olar sol eldiń amanatyn ekshep, Elbasynyń, el aǵalarynyń tal­qy­syna salatyn bolady. Aınash ESALI, «Egemen Qazaqstan» ALMATY Sýretti túsirgen Samat QUSAIYNOV