Baspana baqytyna bólendi

Atyraýda da turǵyn úı qurylysy qarqyn aldy. Jyl basynan beri jalpy alańy 50 myń sharshy metrdi quraǵan 15 kóp qabatty úı boı kóterdi. Jańa baspana baqytyna 750 otbasy bólendi. Al Táýelsizdik merekesi qarsańynda 420 otbasy «Nursaıa» shaǵyn aýdanynda boı kótergen jańa úıden páter alyp, kópten kútken qonys toıyn toılady. Olardyń arasynda ata-ana qamqorlyǵyn ańsaǵandar men tabıǵı jaýyn-shashynnan baspanasy búlingender de, jyldar boıy kezekte turǵandar men turmysy tómen otbasylar da, bıýdjettik mekemeler ókilderi men memlekettik qyzmetkerler de bar. Solardyń qataryndaǵy Lıza Jangereeva buǵan deıin Z.Qabdolov kóshesindegi eski baspanada turypty. – Bizdiń turǵan úıimiz 1949 jyly salynyp, ábden eskirgen bolatyn. Oǵan qosa Atyraý munaı óńdeý zaýytynyń sanıtarlyq qorǵaý aýmaǵynda ornalasqan. Jańa qonysqa kóshsek dep armandaýshy edik. Búgin sol oıymyz oryndalyp, bir úıde turǵan 16 otbasy jańa páterge ıe boldyq, – deıdi ol. batyr ana Qatıma Doshymbetovanyń otbasy apatty úıdi panalap kelipti. «1960 jyly boı kótergen úıde 40 jyl turdyq. Sol úıde balalarymyz ómirge keldi. О́sti-óndi. Alaıda, apatty jaǵdaıda dep tanylǵan soń alańdaýshy edik. Endi alańdamaıtyn boldyq. Sebebi, jańa páter alyp, qýanyshqa kenelip turmyz. Jańa baspana alý da bir baqyt qoı!», dep aǵynan jaryla qýandy kóp balaly ana. Joldasbek ShО́PEǴUL, «Egemen Qazaqstan» ATYRAÝ