Dárigerler dáripteldi

Almatydaǵy Ǵalymdar úıinde Almaty onkologııalyq ortalyǵy el Táýelsizdiginiń 25 jyldyq merekesin úlken saltanatpen, joǵary kóńil-kúıde atap ótti. Mádenı sharanyń taǵy bir ereksheligi – Almaty onkologııalyq ortalyǵynyń 65 jyldyq mereıtoıynyń Táýelsizdik merekesimen tuspa-tus kelýi. Alǵashqy quttyqtaý sózinde Almaty qalalyq máslıhatynyń hatshysy Qaldybaı Qazanbaev Táýelsizdik degen tátti sózdiń qadyr-qasıetine toqtalyp, tilimiz tirilip, dinimiz dáriptelip, dúnıe júzindegi irgeli eldermen teńesip otyrǵanymyzǵa ekpin túsirse, osy baıandy da ulyq isterdiń basynda turǵan «Nur Otan» partııasynyń atynan Bostandyq aýdandyq fılıaly saıası keńesiniń múshesi Bekejan Toqqojaev ta aqjarma lebizin bildirdi. Iá, elimiz Táýelsizdikke qol jetkizgennen beri óziniń saıası-ekonomıkalyq, áleýmettik-mádenı ómirindegi 25 belesin artqa tastap otyr. Adam ómirine arasha túsip kele jatqan atalmysh mekemeniń búgingi jetistigi – el egemendiginiń aıqyn jemisi. О́ıtkeni, halyqqa onkologııalyq kómek kórsetýde jarty ǵasyrdan astam ýaqyt atalmysh mekeme emdeýdiń ozyq úlgileri men zamanaýı ádis-tásilderin qoldaný arqyly naýqastardy emdeýde óz úlesterin qosyp keledi. Jıynda emdeý ornynyń ótkeni, sondaı-aq, el egemendigin al­ǵannan bergi emdeý isindegi ja­ńalyqtar men ozyq ádis-tásilderge, memleketimizdiń onkologııalyq naýqastarǵa kór­setip otyrǵan orasan zor qamqor­lyǵyna, kómegine toqtalmas buryn, Almaty onkologııalyq ortaly­ǵynyń bas dárigeri, medısına ǵylymdarynyń doktory Damır Dáýletbaev aldymen Táýelsizdik – azattyqtyń altyn dińgegi, ult retinde damyp, órkendeýimizde uly kúsh ekenin atap ótti. – Táýelsizdiktiń biz úshin orny qashanda bólek. Sondyqtan da «tolarsaqtan saz keshken» batyr babalarymyzdyń ár jylda tógilgen qanynyń, uly murattar jolynda qurban bol­ǵan asyl azamattarymyzdyń as­qaq armandarynyń, sábıin bilegimen, dalasyn júregimen terbet­ken analarymyzdyń aqqan kóz ja­synyń, Jaratqannan tilegen medetiniń arqasynda qol jet­kiz­gen Táýelsizdikti biz árqa­shan maqtan tutyp, qasterleı bilýge tıis­timiz, – dedi Damır Abaıdil­dá­uly. Sondaı-aq, jıyn barysyn­da ortalyqtyń búgingi jetistik­teri­niń bastaýynda aıanbaı ter tógip, eńbek etken ardagerlerge gúl shoqtaryn usynyp, syılyqtar tabystasa, búgingi tańda kúndiz-túni densaýlyq kúzetinde turǵan aq halatty abzal jandardyń arasyndaǵy úzdikteri alǵys hattarmen marapattaldy. Elimizdegi 130 ulttyń basyn qosqan brendimiz Qazaqstan halqy Assambleıasy ekeni belgili. Qazaq, orys, ýkraın, koreı, tatar halqynyń ulttyq kostıýmderimen shyǵyp, sol ulttardyń tilderinde Táýelsizdik merekesimen quttyqtaǵan medısına qyzmetkerleri sahnanyń sánin keltirse, elimizdiń tanymal ártisteri Tolqyn Zabırova, Quralaı men Mıras Bekjanovtar, Baqyt Shadaeva, Beıbit Seıdýalıeva, Jeńis Ysqaqova, Qudaıbergen Bekish, Rýslan Mamytov, t.b. ánshiler ásem án shyrqap, keshtiń kórigin qyzdyrdy. Gúlzeınep SÁDIRQYZY, «Egemen Qazaqstan»