Tımoshýk: Uzaq ári kúrdeli maýsymdy ótkizdim

«Qaırat» fýtbol komandasynyń burynǵy jartylaı qorǵaýshysy Anatolıı Tımoshýk mansabyn qaıda jalǵastyratynyn málimdedi. Bul týraly vesti.kz habarlady. Ýkraınalyq fýtbolshynyń jaqynda almatylyq komandamen aradaǵy kelisimshart merzimi aıaqtalǵan. Budan keıin ol Kıev qalasyna kelip, jattyqtyrýshylyq kýrsyn aıaqtap jatyr. «Qandaı jaǵdaı bolmasyn, sportta qalamyn degen oıdamyn. Qazir fýtbolshy retindegi mansabymda qaıda jalǵastyratynymdy oılastyryp jatyrmyn. Bálkim, bapkerlik jolymdy da bastap ketermin», – dedi ol. Mundaı tájirıbeli oıynshyǵa suranys kóp bolary belgili. Bul týraly: «Árıne, usynystar kóp. Biraq kóbisi jattyqtyrýshy retinde shaqyrady. Uzaq ári kúrdeli maýsymdy aıaqtaǵandyqtan aldymen demalysty oılaǵym keledi. Onyń ústine Eýropa chempıonaty da biraz kúshimdi aldy. Jazda demalyp úlgermegendikten qazir azdaǵan úzilis alǵym keledi. Al qalǵanyn sodan keıin sheshemin», – dedi «Qaırattyń» eks-havbegi. Aıta keteıik, 37 jastaǵy Tımoshýk qazaqstandyq klýbqa 2015 jyldyń jazynda aýysyp kelgen. Eki maýsymda ol QPL-de 34 match (bir gol, eki nátıjeli pas), el Kýbogynda 5 match, sondaı-aq Eýropa lıgasynda 10 match ótkizdi. «Qaırat» sapynda Qazaqstan kýbogyn bir ret jeńip alsa, ishki birinshilikte eki ret kúmis medaldi enshiledi.