Nursultan Nazarbaev: Uranymyz «Alǵa, Qazaqstan!» bolsyn

Prezıdent Nursultan Nazarbaev bokstan Olımpıada chempıony Danııar Eleýsinovtiń «Qazaqstannyń urany «Alǵa, Qazaqstan!» bolsa" degen usynysyn qoldady. Bul usynysty Danııar Eleýsinov Táýelsizdik saraıynda ótip jatqan saltanatty jıynda sóılegende aıtqan bolatyn. «Erteńgi Qazaqstannyń azamattary búgingiden de bilimdi, densaýlyqtary myqty, parasatty bolsyn. О́z otanyn, halqyn ǵana emes, basqa da halyqtardy, barsha adamzatty súıetin ǵalamshar balalary bolyp óssin. Biz mektepterde, ýnıversıtetterde osyndaı adamdardy tárbıeleımiz. Biz osyndaı qoǵam qurýǵa umtylyp jatyrmyz. Jańa Olımpıada chempıony Danııar Eleýsinov aıtqandaı uranymyz «Alǵa, Qazaqstan!» bolsyn! Bárimizge bolashaqta mereıli tabystar tileımin. Kók baıraǵymyz ashyq aspanymyzda máńgi jelbireı bersin! Táýelsizdigimiz tuǵyrly, eldigimiz ǵumyrly bolsyn! Uly belesterdi baǵyndyrýǵa - alǵa Qazaqstan! Uly maqsattardy oryndaý jolynda alǵa, halqym!», dedi Memleket basshysy.