Nóserbaev "Astanadan" ketti

«Astana» fýtbol klýbynyń 29 jastaǵy kapıtany Tańat Nóserbaev elordanyń fýtbol klýbyndaǵy mansabyn aıaqtady, dep habarlaıdy «Astana» fýtbol klýbynyń baspasóz  qyzmeti. Klýb basshylyǵy Nóserbaevty erkin agent qyzmetine bosatty. Endi ol 2017 jylǵy maýsymda basqa klýbta oınaıdy. «Tańat «Astana» klýbynyń qalyptasyp, damýyna aıtarlyqtaı úles qosty, bizdiń jeńisterimiz ben jetistikterimiz úshin bárin saldy. Klýbtyń kapıtany ári kóshbasshysy retinde Tańattyń róline zor baǵa berýge bolady, sebebi, Tańat sońǵy alty maýsym boıy bizdiń komanda úshin oınady. Dál osy alty jyldyń ishinde bizdiń klýb Qazaqstan chempıondarynyń qataryna qosyldy. Sondyqtan da, Nóserbaevty Qazaqstannyń eń myqty fýtbolshylarynyń biri dep qoryqpaı aıta alamyz. Alaıda, Tańattyń otbasyma jaqyn tursam degen tilegin qabyldap, qolda bar kelisimshartqa qaramastan, ony jiberip otyrmyz. Tańattyń «Astana» fýtbol klýbyna sińirgen eńbegi úshin ony erkin agent retinde jiberdik. Tańatqa bizdiń komandadaǵy tamasha goldary úshin, umytylmas jeńister úshin, esten ketpes emosııalar úshin tek qana alǵys aıtamyz. Tańatqa endigi mansabynda sáttilik serik bolsyn degim keledi. Tańat pen «Astana» arasyndaǵy dostyq baılanys úzilmeıdi, Nóserbaevty «Astana» únemi ystyq yqylasymen qarsy alad», - dedi «Astana» fýtbol klýbynyń bas menedjeri Saıan Hamıtjanov. Aıta keteıik, Tańat Nóserbaev - «Astana» fýtbol klýbynyń tarıhyndaǵy eń kóp gol salǵan fýtbolshy. «Astana» komandasy úshin 192 oıyn ótkizip, 54 gol salǵan.