Otaryn qasqyrdan qorǵaǵan shopan

Tań bozynan qas qaraıǵanǵa deıin tynym tappaıtyn shopannyń jaýapkershiligine otardy ıt-qusqa jem qylmaý da jatady. О́ıtkeni, kúni-túni azyq izdep, dalany jortatyn túz taǵysynyń qaıdan, qashan tap bolary belgisiz. Qurmanǵazy aýdanyndaǵy «Maqash» óndiristik kooperatıviniń aǵa shopany Ánýar Qubaev baǵymyndaǵy otaryn shashaý shyǵarmaıtyn qyraǵylyq tanytsa da, túz taǵysymen betpe-bet kezdeserin esh oılamapty. – Shopandar qus uıqyly bolady ǵoı. Tún ortasynda da ıttiń úrgenin estisem, aýladaǵy otardy bir sholyp kelemin. Sol tún tynysh ótti. Biraq, tańǵy 6-da ıttiń úrýi ózgesheleý estildi. Áıelim men ulymdy oıatyp, dereý dalaǵa shyqtym. Aınala áli qarańǵy edi, – deıdi Ánýar Qubaev. – Jaqyndaǵanda túz taǵysynyń aýlaǵa sekirip túskenin anyq baıqadym. Aýlanyń janyndaǵy aıyrdy qolyma alyp, júgire jóneldim. Bul kezde tosyn «qonaqtan» úrikken otar úıirilip turǵan edi. San aılaly túz taǵysy shopanǵa qaraı sekirgen. О́zine qaraı um­tylǵan túz taǵysynyń shalt áre­ketinen qorǵaný úshin Ánýar bir qolymen basyn qalqalaıdy. Sol sátte qasqyrdyń azý tisi jalań qolyna batqan shopan ony keri ıterip úlgeredi. Ekinshi qolyndaǵy aıyrdy qasqyrdyń keýdesine túıreıdi. Kózdi ashyp-jumǵandaı qas-qaǵym sátke sozylǵan bul aıqas adamnyń jeńisimen aıaqtaldy. Eń bastysy, Ánýar Qubaevtyń ómirine qaýip tóngen joq. Sóıtip, ózi eńbek etetin «Sardar baba» fermasynyń 715 saýlyq qoıyn túz taǵysynan qorǵap qaldy. Joldasbek ShО́PEǴUL, «Egemen Qazaqstan» Atyraý oblysy