Qaýipsizdik sharalaryn qatań saqtaǵan abzal

Statıstıkaǵa sáıkes, Qazaqstanda órttiń 68 paıyzy turǵyn úı aýdandarynda bolady, al jańa jyl qarsańynda bul kórsetkish 82-85 paıyzǵa deıin artady. Ortalyq kommýnıkasııalar qyzmetinde «Pırotehnıkany paıdalaný kezindegi saqtyq jáne qaýipsizdik tehnıkasyn saqtaý sharalary» taqyrybynda ótken brıfıng barysynda Tótenshe jaǵdaılar komıtetiniń resmı ókili Rýslan Imanqulov osyndaı derekter keltirip ótti. Onyń aıtýynsha, memlekettik órtke qarsy qyzmet ınspektorlary adamdar kóp baratyn jańajyldyq is-sharalar ótkizilýi múmkin jerlerde qyzmetkerler quramy úshin órt qaýipsizdigi qaǵıdalary týraly nusqaýlar júrgizedi. Jańajyldyq mereke ótetin ákimshilik nysandarǵa erekshe jaýapkershilik júkteldi. «Mundaı tutanýlardyń basym kópshiligi turǵyn úı sektoryn­da bolatynyn atap ótý qajet. Bul – mem­­lekettik órt baqylaý turǵy­synan rettelmeıtin sala. Statıstıka boıyn­sha, Qazaqstanda órttiń 68 paıyzy tur­ǵyn úı aýdandarynda bolady, al jańa jyl qarsańynda bul kórsetkish 82-85 paıyzǵa deıin artady», – dep atap ótti R.Imanqulov. Sonymen qatar, ol petardalar, ot shashýlar, bengal ottaryn satyp alý kezinde, olardy qoldanýda saq bolý qajettigine nazar aýdardy. «Eń aldymen, ónimniń ser­tı­fı­kattalǵanyn bilińiz, pıro­teh­nı­kany paıdalaný qaǵıdalarymen min­detti túrde tanysyńyz. Olardyń saq­talý jáne qoldaný merzimine nazar aýdarýdy umytpańyz. Pıro­teh­nıkany qoldaný kezinde shylym shegýge múldem tyıym salynady. Raketalardy avtomobıl tu­raq­­ta­rynyń mańaıynda ushyrýǵa bolmaı­dy. 100 metrlik radıýsta órt qaýp­i bar nysandar bolmaýǵa tıis. Kó­rer­mender ot shashýdy jiberetin aýmaq­tan 35-50 metr qashyqtyqta, jel­siz jaǵynda turýy qajet», – dedi tó­ten­she jaǵdaılar komıtetiniń resmı ókili. О́z kezeginde Ishki ister mını­s­trli­gi ákimshilik polısııa komı­teti­niń ókili Marat Otynshın pıro­teh­n­ıkalardy arnaıy ruqsat etilgen dúken­derden satyp alýǵa keńes ber­di. Jáne ol 2016 jylǵy 12 jel­toq­san men 2017 jylǵy 5 qańtar ara­­lyǵynda «Pırotehnıka» atty je­del-profılaktıkalyq is-shara júrgi­zilip jatqanyn málimdedi. «Is-shara ruqsat etilmegen, sondaı-aq, ruqsat berý qujattary joq pı­ro­tehnıkalyq buıymdardy satý fakti­le­rin anyqtaýǵa baǵyttalǵan, adamdar jappaı jınalatyn oryndardy tekserýge erekshe kóńil bólinedi», – dep atap ótti M.Otynshın. Aıdar О́RISBAEV, «Egemen Qazaqstan»