Qazaq meıramhanasy

Ulttyq taǵamdar boıynsha sarapqa salynatyn «Ýnıversıada usynǵan» atty arnaýly sertıfıkatty utyp aldy Qazaqtyń qazysy men qar­tasy, jal-jaıasy álemdik meıram­ha­na­lardyń as máziriniń qatarynan oryn ala bastaǵanyna onsha kóp bola qoıǵan joq. Árisi Amerı­kada, berisi Fransııa men Avstrııada qazaqtyń súıikti tamaǵy – et asýdy úırenip alǵan shet­el­dikter sanynyń kóbeıip kele jat­qanyn baıqap ta, kórip te júr­miz. Almatyda ótetin HHVIII qys­qy Ýnıversıada men Astanada otaý tikken EKSPO-2017 halyq­aralyq kórmesine tórtkúl dúnıe­niń tórt buryshynan aǵylyp kelýshiler arasynda mindetti túrde qazaq taǵamynyń dámin kórgisi keletinderdiń kóp bolary daýsyz. Osyǵan oraı bizdiń qazaq as mázirin daıyndaýshy mamandar men tehnologtarymyz da qol qýsyryp, qarap otyrǵan joq. Onyń aıqyn kýási kúni keshe Almatynyń taý bókterinde jańadan ǵana ashylǵan «Qazaq Restaurant» meıramhanasy «Ýnıversıada usynǵan» atty arnaý­ly sertıfıkatty utyp aldy. Meıramhanada tek qana qazaq as máziri daıyndalady. Bir mezette 90 adamǵa qyzmet kórsetedi. «Qazaq Restaurant» – Qazaqstanda ótetin halyqaralyq sharalarǵa qatysty Almatyda esigin ashqan «Gákký» men «Koktem Ballrom»-nan keıingi sany jaǵynan úshin­shi meıramhana. Munyń syrtynda alys-jaqynnan kelgen meımandarǵa qaladaǵy ózge de 150 qazaq as má­­ziri aralasqan meıramhanalar men dámhanalar laıyqty qyzmet kór­setedi. Almatynyń kásipkerlik pen ındýstrııalyq-ınnovasııalyq damý basqarmasy «Ýnıversıada oıyndary aıasynda qaladaǵy sala boıynsha shaǵyn jáne orta bıznesti damytý isi odan ári jalǵasyn tabady. Sońǵy ashylǵan eki qazaq meıramhanasy almatylyq 170 adamǵa jumys taýyp berdi», deıdi. Jyl jabar tusta jańalyq bolǵan qazaq meıramhanalary alǵashqy kelýshilerin, ásirese, sheteldikterdi qabyldap ta úlgerdi. «Qazaq dá­miniń tábetińdi tartar ıisin-aı» deý­shilerdiń qatary kóbeıip keledi. О́ıt­keni, mundaı as máziri asta-tók, dámi de, qyzmet kórsetý sapasy da janǵa jaǵymdy meıramhanalardyń aldynan ótip bara jatyp oǵan moıyn burmaý, bas suqpaý múmkin emes. Talǵat SÚIINBAI, «Egemen Qazaqstan»  ALMATY