Foto: Ashyq derekkóz
Memleket basshysynyń vokzaldyq ınfraqurylymdy jańǵyrtý jónindegi tapsyrmalaryn oryndaý sheńberinde temirjol vokzaldaryn jańartý baǵdarlamasy keńinen júzege asyp jatyr.
Kólik mınıstriniń aıtýynsha, basty maqsat – azamattardy qaýipsiz jáne jaıly temirjol kóligimen qamtamasyz etý.
«Búginde elimizde táýelsizdik jyldarynda alǵash ret temirjol vokzaldaryn eń bir keń aýqymdy jańǵyrtý baǵdarlamasy júzege asyrylyp jatyr. Bul iri jobaǵa Qazaqstannyń barlyq óńirlerinde 124 vokzal engizilgen. Sonymen qatar, jergilikti atqarýshy organdar tarapynan vokzal mańyndaǵy alańdardy abattandyrý jumystary júrgizilip otyr. Alǵashqy 30 vokzal bıylǵy 1 shildege deıin paıdalanýǵa beriledi», dedi Nurlan Saýranbaev.
Búginde 36 nysanda qurylys-montaj jumystary aıaqtalǵan. Odan bólek, mınıstrdiń málimetinshe, Qazaqstanda sońǵy jyldary 650-den astam jolaýshylar vagony jańartylǵan. 2030 jylǵa qaraı mınıstrlik jolaýshylar parkin jańartý deńgeıin 90%-ǵa deıin jetkizýdi josparlap otyr.
Premer-mınıstr temirjol vokzaldaryn jańǵyrtý qarqynyn synǵa aldy
