1 qańtardan bastap memlekettik satyp alý jańa erejemen jumys isteıdi

2017 jyldyń 1 qańtardan bastap memlekettik satyp alý barlyq kezenderi josparlaýdan bastap, aqy tóleýmen aıaqtaı otyryp elektrondyq formatta www.goszakup.gov.kz. – veb-portaly arqyly júrgiziledi, sonymen qatar memlekettik satyp alý Qaǵıdalarymen tanysýǵa bolady, dep habarlady Qarjy mınıstrliginiń baspasóz qyzmeti. Qazaqstan Respýblıkasynyń Qarjy mınıstrligi satyp alýdyń aıqyndyǵyń úlǵaıtý maqsatynda Memlekettik satyp alýdy júzege asyrý qaǵıdalaryna ózgerister engizdi. Osy ózgeristerge baılanysty 2017 jyldyń 1 qańtarynan bastap memlekettik satyp alý kelisim shartynyń oryndalýy jónindegi qujattary – kórsetilgen qyzmetterdiń, oryndalǵan jumystardyń, taýarlardy qabyldaý  aktileri men shot-faktýralary tek qana elektrondyq formatta toltyrylatyn bolady. Memlekettik satyp alý zańnamasy ardáıim jetildirýdi qajet etedi, - dep QR Qarjy mınıstrliginiń Memlekettik satyp alý ádisnamasy departament dırektory Sábıt Ahmetov maquldaıdy. Osyǵan baılanysty satyp alý júıesin rettegende biz úsh negizgi qaǵıdattaryna negizdelemiz – aıqyndyǵy, qarapaıymdyǵy jáne satypalýlar nátıjesi. Memlekettik satyp alý salasy úlken aqshalaı qarajatpen baılanysty jáne búkil dúnıe júzinde sybaılas jemqorlyqqa kop ushyraıtyn sala ekeniń eskere otyryp, QR qarjy mınıstrliginde bul engiziletin jańalyqtar jetkizýshiler men tapsyrys berýshilerdiń jumysyn aıtarlyqtaı jenildetedi, sondaı-aq sharttyq mindettemelerdi oryndaǵany ushin tólem ýaqytyn qysqartady dep esepteıdi. Osylaısha, 2017 jyldyń 1 qańtardan bastap  memlekettik satyp alý  barlyq kezenderi josparlaýdan bastap, aqy tóleýmen aıaqtaı otyryp elektrondyq formatta www.goszakup.gov.kz. – veb-portaly arqyly júrgiziledi, sonymen qatar memlekettik satyp alý Qaǵıdalarymen tanysýǵa bolady.