Leffler Golovkınniń jospary týraly aıtty

WBA (Super), IBO, WBC jáne IBF tujyrymdary boıynsha orta salmaqtaǵy álem chempıony Gennadıı Golovkın (36-0, 33 KO) keler jyly polshalyq boksshy Maseı Sýleskımen judyryqtasýy múmkin. Bul týraly qazaqstandyq boksshynyń promoýteri Tom Leffler ringpolska.pl basylymyna bergen suhbatynda aıtty, dep habarlady vesti.kz. Suhbat barysynda promoýter Golovkınmen qashannan beri jumys istep kele jatqanyn jáne Golovkınniń aldaǵy josparlary týraly málimdedi «Golovkınmen altynshy jyl birge jumys istep kelemin. Osy ýaqyt aralaǵynda 15 kezdesýin ótkizdi. Qazirgi ýaqytta onyń bokstan qashan ketetini jóninde suraqtar jıi qoıylady. GGG-diń basty maqsaty – orta salmaqtaǵy barlyq chempıondyq belbeýlerdiiń basyn biriktirý. Ázirge onyń enshisinde Búkilálemdik boks uıymynyń úsh chempıondyq belbeýi bar. Endi tórtinshisin jeńip alý kerek. Qazir Golovkın sol úshin daıyndalyp júr. Bokstan ketetin oıy joq», – dedi Leffler. «Bıylǵa josparymyzdy quryp qoıǵanbyz. Denıel Djeıkobsty utqan jaǵdaıda kishi Chavesti nemese Saýl Alvaresti jekpe-jekke shaqyryp kóremiz. Sonymen qatar, 2018 jyly polshalyq Maseı Sýleskımen judyryqtasýymyz múmkin. Bul kezdesýdi de «Madison Square Garden» arenasynda ótkizsek deımiz. Bul keshtiń anderkartyna Aleksandr Ýsık pen Kshıshtof Glovaskı arasyndaǵy kezdesýdi de qosýymyz oıda bar», – deıdi promoýter. Aıta keteıik, 27 jastaǵy polıak boksshysy Maseı Sýleskı osy ýaqytqa deıin kásipqoı boksta 23 kezdesý ótkizip, onyń 8-de qarsylasyn nokaýtqa túsirgen.