Aldaǵy 3 kúnge arnalǵan aýa raıy

Sınoptıkter 2-4 aqpanǵa arnalǵan aýa raıy boljamyn jasady, dep habarlaıdy Qazgıdromet. «Aqpan aıynda qar jaýyp, burqasyndatady. Kezekti sıklon Batys Sibirge aýysyp, Soltústik Qazaqstan arqyly ótedi. Sıklon men atmosferalyq aǵymdar kóptegen oblystarda aýa-raıyn ózgertedi. Soǵan baılanysty, qar jaýyp, burqasyn bolady. Jol kórinisi múmkinshiligi nasharlap, 500 metrge deıin barady. Jeldiń uıytqýy 15-20 metr sekýndqa, al soltústik oblystarda onyń jyldamdyǵy 23-28 metr sekýndqa deıin jetedi», - delingen habarlamada. Sınoptıkterdiń deregine súıensek, Qazaqstannyń ońtústik jáne ońtústik-shyǵys oblystary ońtústik sıklonnyń aýa aǵymynda bolady. Sondyqtan bul jerlerde jaýyn-shashyn bolyp, ylǵaldy qar jaýyp, tuman túsip, batystan qatty jel soǵady, keı jerlerde jeldiń jyldamdyǵy 23-28 metr sekýndqa deıin jetedi. Aýa temperatýrasy tómendep, kók taıǵaq, qar men tumannyń saldarynan kórinis múmkindigi tómendep, 200-500 metrge deıin barady.