2016 jyly sottarǵa 51 myń qylmystyq is túsken

2016 jyly sottarǵa 51 234 qylmystyq is kelip túsken, dep xabarlaıdy QazAqparat. Joǵarǵy Sottyń qylmystyq ister jónindegi sot alqasynyń tóraǵasy Abaı Rahmetýlınniń aıtýynsha, ótken jyly sottarǵa túsken 16 529 qylmystyq is toqtatylyp, 18 854 adam jazadan qutyldy. «Olardyń barlyǵy zardap shekken jaqpen ymyryǵa kelip, shyǵyndy tolyǵymen ótedi. Sóıtip, aqtaý úkimderiniń sany 19,2 paıyzǵa artyp otyr. Osynyń ózi sot tóreligin júzege asyrý barysynda adamdy qamaýǵa alý sharalarynyń azaıyp kele jatqanyn kórsetse kerek. Jalpy, ótken jyly bas bostandyǵynan aıyrý jazasynan góri bas bostandyǵyn shekteý sharalary basym boldy. Máselen, 8 500 adam shartty túrde sottalsa, 4 636 adamnyń jazasy jeńildetildi. Osylaısha, túrmede túsken adamdardyń sany jaǵynan Qazaqstan álemdik reıtıngte 62-shi orynǵa kóterildi», - deıdi Raxmetýlın. Jalpy, byltyr Alqa basshysynyń aıtýynsha, ótken jyly sottardyń jumysyna qatysty saýalnama júrgizilgen bolatyn. Sonyń nátıjesi boıynsha 16 myń adamnyń 74 paıyzy sot tóreligine qanaǵattandy. Birikken Ulttar Uıymynyń Damý baǵdarlamasynyń zertteýi de soǵan jaqyn nátıjeni (71,3 paıyz) kórsetti.