О́ńirlik Hab memlekettik qyzmet kórsetý salasyndaǵy zertteýler nátıjesin usyndy

Astanadaǵy memlekettik qyzmet salasyndaǵy О́ńirlik hab bastamasymen saraptamalyq materıaldar – Qazaqstan, Grýzııa jáne Ázirbaıjannyń memlekettik qyzmet kórsetý boıynsha tájirıbelerimen tanystyratyn úsh keıs-stadı daıarlandy. Habtyń halyqaralyq keńesshileri «bir terezeden qyzmet kórsetý» qaǵıdaty boıynsha memlekettik qyzmet kórsetý salasyndaǵy reformalardyń júzege asyrý barysyn Ázirbaıjannyń («ASAN» qyzmeti), Grýzııanyń (Ádilet úıleri), Kazaqstannyń («Úkimet azamattar úshin» memlekettik korporasııasy) halyqqa qyzmet kórsetý ortalyqtaryn qurý úlgilerinde saraptady. Keısterde memlekettik qyzmet kórsetý reformalaryn júzege asyrǵan elderdiń saıası jáne áleýmettik-ekonomıkalyq jaǵdaılaryna, úkimetterdiń halyqqa qyzmet kórsetý ortalyqtaryn qurý sharalaryna taldaý jasalǵan. «Bul zertteýlerde elderdiń qyzmet kórsetý ortalyqtarynyń damý kezeńderi ǵana emes, «bir tereze» qaǵıdaty boıynsha memlekettik saıasatty júzege asyrýǵa baılanysty týyndaıtyn tosqaýyldar, ortaq problemalar men olardyń sheshý joldary sıpattalǵan », - dedi Astanadaǵy memlekettik qyzmet salasyndaǵy О́ńirlik hab apparat jetekshisi Ernar Jarkeshov. Ol: «bul keıster osyndaı «bir tereze» ortalyqtaryn qurýdy josparlaǵan aımaq elderiniń memlekettik qyzmetkerleri men praktıkterine, ózderiniń zertteýleri men memleket saıasaty boıynsha pikir almasýlarǵa paıdalaný úshin ǵalymdar men oqytýshylarǵa, sondaı-aq memlekettik qyzmet kórsetýdi jetildire túsý úshin óz tájirıbesimen bólisken úsh el úshin de mańyzdy bilim ónimderi» ekenin aıtty. Bul zertteýler Qazaqstanda shyǵarylǵanymen, aldaǵy ýaqytta memlekettik qyzmet kórsetýdi jetildirgisi keletin aımaqtyń basqa elderinde de tanystyrylady. Bul jumystar - memlekettik qyzmet kórsetý salasyndaǵy 2016 jyly qurylǵan praktıkter Alıansynyń jumys nátıjesi. Áriptester jelisi túrindegi Alıans jumysy «bir tereze» júıesi reformasyn júzege asyrýǵa, Habqa qatysýshy elder arasynda yntymaqtastyqty arttyrýǵa úles qosady.